2 Doongv haih sit veenf,

Siangf-dif huk gongv geef gee inv vooi;

yoou haih sit veenf Siangf-dif ziuh hengf gongv geef gee inf inv vooi.

3 Siangf-dif sev fok zee haih sit veenf,

dingf neeh veenf hee tih seengf giatf gee veenf hee,

eenv veeih yoou neeh veenf hee,

Siangf-dif hengf gongv suangf zoouf geef gee inf inv vooi,

ziuh an sikf vooi.

4 Ye-hheev-huav Siangf-dif tih teenf heen soouh fa matf gee,

5 neeh tif hoouh,

bak matf enf meenf lai boot,

meenf lai dun,

veen niaf gee ya meenf ngukf zikf veetf yoou,

eenv veeih Ye-hheev-huav Siangf-dif enf meenf sev funv dok yoou,

ya meenf lai lengv hunf huk veen niaf,

6 danf tih lai ngiauh guanf lokf dauf matf geen miaf,

eemf matf gee inf inv zakf hoou vooi.

7 Ye-hheev-huav Siangf-dif oouv bongf bak matf gee miaf soouh lengv hunf huf hee,

voouh hheei yinf mingh gee loouh da soongh loongv geef vooi,

geef ziuh tingf lengv hunf yoou huf hee vooi.

8 Ye-hheev-huav Siangf-dif yoou dung foong gee lengv I-dianf neeh hhootf hee hhooiv Veen mee,

biang lengv hunf geef soouh neeh huf hee yoou da Veen neeh mee.

9 Ye-hheev-huav Siangf-dif biang Veen mee ngukf dun gee gookf zuangv lokf dauf matf geen miaf,

dun gee yuh luang tengv makf gee hhoo yi huk goouh goonv.

Yoou zingf zing da Veen lai dun voon dun,

dun hee tih seeng mingf suf,

dun hee tih biang lengv hunf huh maif seeu gee.

10 Lai hoof hiuf hee leeiv lokf lengv I-dianf gee uk miaf,

guanf gaif Veen neeh mee.

Hoof neeh hiuf hee leeiv lokf da Veen uk miaf,

feenv tingf ti hiuf hoof gee hau namh vooi.

11 Haih it hiuf hoof yam Bih-sunf hee,

leeiv vif lengv Hha-feei-la gee hoouf hoou.

Yoou ninh lai gimv.

12 Gimv yoou ninh gee meenf huh giauh maif,

yoou ninh ya lai hiang liauf hemv boouh sikf.

13 Haih ngeeih hiuf hoof yam Gi-hunf hee,

leeiv vif lengv Guh-titf gee hoouf hoou.

14 Haih tamv hiuf hoof yam Tiv-geev-liv-si hee,

leeiv gua Yav-suf gee dung buf.

Haih ti hiuf hoof ziuh tih Iuf-fa-la-tiv.

15 Ye-hheev-huav Siangf-dif biang lengv hunf neeh huf hee yoou da I-dianf-yuanv,

yam geef guanh Veen neeh mee hemv foou Veen neeh mee.

16 Ye-hheev-huav Siangf-dif zuk lengv hunf neeh huf hee bov,

"Da Veen too lai makf baiv dun neeh gee,

suf saih meef goonv,

17 danf tih makf baiv dun biang lengv hunf huh maif seeu neeh dun gee,

meef zuatf deeif meenf zun goonv,

eenv veeih meef goonv neeh veenf hee,

meef itf dingf daiv!"

18 Ye-hheev-huav Siangf-dif bov,

"Lengv hunf neeh huf hee toof too zih meenf maif,

hauf hheem hooi geef soouh hemv geef fui goonf gee huf hee miaf boongv tooh geef."

19 Ye-hheev-huav Siangf-dif oouv bongf miaf soouh da sangv gookf zuangv gookf yiangh gee dungf veetf,

hemv nokf gookf zuangv gookf yiangh vinv yoou baiv fa gee,

yin geef loh inf inv doongv dau na lengv hunf neeh huf hee vooi,

yam geef hooi dungf veetf neeh gee hhooiv nooiv.

Geef di leeuf yam dungf veetf neeh gee,

nooiv dungf veetf neeh gee ziuh yam di leeuf hee.

20 Lengv hunf neeh huf hee hooi too lai goouh tiangh gee,

nokf baiv fa gee hemv da sangv gee goouh sangv hhooiv nooiv vooi.

Danf tih Yav-dang meenf div lai heekf huf huf hemv geef fui goonf gee miaf boongv tooh geef.

21 Ye-hheev-huav Siangf-dif biang lengv hunf neeh huf hee suanv teemh vooi.

Geef suanv teemh gee tif hoouh,

Siangf-dif ziuh lokf huf geef oouv tek hiuf hee uk miaf,

yuh biang nanh gee goop leengv goonf vooi.

22 Ye-hheev-huav Siangf-dif oouv uaqf tek lokf huf lengv hunf neeh huf hee oouv uk miaf gee neeh hiuf hee,

miaf soouh maih leekf huf hee,

yin geef doongv dau na lengv hunf neeh huf hee vooi.

23 Lengv hunf neeh huf hee hemv Ye-hheev-huav Siangf-dif gang bov,

24 Guf seeh,

da hhiangh hheem lif hhooiv bef maih,

hemv maih geef huf hee goop goonf,

voon na tingf na hee vooi.

25 Dang siv voon na bef maih zung geq nangv lingf lingv,

ya meenf ngaif nyo.