Yav-bov-la-lanf ziapf daif hian seeh
18
1 Ye-hheev-huav yoou Manf-lif gee ningf siangf suf neeh hhootf hee,
sev Yav-bov-la-hanf dekf huh geef.
Neeh mee tif ganv tih veenf hee zuif lun gee tif hoouh,
Yav-bov-la-hanf ngov yoou bak deenh ziangf feengv.
2 Geef doongf hau uif dekf,
it ziu huh lengv hunf tamv huf nyunv yoou doi na geef,
geef ziuh lokf bak deenh ziangf feengv deuf uk booiv zip geef loh,
hhuih longf hhupf yoou dauf matf,
3 bov,
"Zu hauf huf hee haf!
Meef zeekf vook hhoonv hauf,
hhuf meef meenf ngah lif hhooiv leekf nof meef huf hee booiv teenf meng.
4 Foou hauf oouv namh ziqf miaf sev meef loh tuk gok,
yoou hau dun hengf lingf ziu.
5 Foou hauf oouv bing ziqf miaf sev meef loh goonv,
hau lai lingf gif zukf booiv sunv.
Gif yianv meef loh miaf doongv leekf nof neeh hhootf hee vooi,
hheem goonv goouh ziqf nah booiv."
Geef loh ziuh bov,
"Ziuf meef gang gee booiv huk lo."
6 Yav-bov-la-hanf gan hhuangf deuf loouh da ziangf feengv vooi,
yam Sa-la bov,
"Meef meng ziqf booiv oouv boonh menh zuif maif gee tamv doou miaf saiv vooi huk bing."
7 Yav-bov-la-hanf yuh deuf booiv ningf nguf hoouf hee vooi,
diuf leekf nguf zuif fuif zuif maif neeh huf hee miaf,
gauv sev leekf nof gee,
leekf nof gee ziuh gan hhuangf oouv booiv ga vooi.
8 Yav-bov-la-hanf oouv naiv yeeuv hemv niuv naih,
gangf nanh leekf nguf gee miaf,
faif yoou dau na geef loh,
geef loh ziuh goonv vooi,
Yav-bov-la-hanf nyunv yoou hau dun heng hoouh geef loh.
Siangf-dif eef dif sev leekf da hhiangh huf hee zee Sa-la
9 Geef loh tooi Yav-bov-la-hanf bov,
"Maih meef huf hee Sa-la yoou leeuf nenh?"
Geef tanv bov,
"Noh,
geef yoou da ziangf feengv."
10 Hhiv zung lai huf hee bov,
"Doongv veeif na neeh mee tif hoouh,
hauf itf dingf leengv nooih,
maih meef huf hee Sa-la ya itf dingf lai leekf da hhiangh huf hee."
Neeh tif hoouh,
Sa-la yoou looif lengv hunf neeh huf hee gee bak deenh ziangf feengv ya hingf heekf go neeh gee hee vooi.
11 Dang siv,
Yav-bov-la-hanf hemv Sa-la duf ga meenf huh giauh lauh vooi,
Sa-la duf ga hengf yuatf ging vooi.
12 Sa-la da timv lookf lookf liauv,
bov,
"Hauf duf ga lauh vooi,
bef hauf huf hee ya lauh vooi,
di leeuf dif lai maif teeh neeh gee yoou nif?"
13 Ye-hheev-huav bov Yav-bov-la-hanf bov,
"Sa-la veeih gai lookf lookf liauv,
bov,
'Hauf teenf lauh vooi,
dif lai lai leekf yoou haf?'
14 Lai gai teeh hauf Ye-hheev-huav meenf huk lai doongv nif?
Doongv veeif na neeh mee tif hoouh,
hauf itf dingf leengv nooih,
neeh tif hoouh,
Sa-la itf dingf lai leekf da hhiangh huf hee."
15 Sa-la hingf vooi ziuh mangf,
meenf singv nginf bov,
"Hauf meenf liauv!"
Danf tih neeh huf hee bov,
"Meenf,
meef titf titf liauv vooi."
Siangf-dif dif miatf Soh-to-mah hemv Eev-mov-la
16 Lengv hunf neeh tamv huf ziuh lokf ninh booiv vooi,
looif looiv vook longf booiv huh Soh-to-mah.
Yav-bov-la-hanf ya di moh geef loh booiv,
dif hong looif geef loh.
17 Ye-hheev-huav bov,
"Hauf dif huk gee teeh di leeuf met lai Yav-bov-la-hanf nif?
18 Yav-bov-la-hanf itf dingf dif tingf yuh nyoo yuh hhiangv seengf gee gok gav,
bak matf too lai gee gok gav zung itf dingf eenv veeih geef deekf doongv fok feenh.
19 Hauf liakf geef,
tih dif biang geef maiv leekf geef gee lanv geef gee hemv gav lanf geef gee zun siuh Go hauf gee,
huk hauf nginf vuiv maif gee teeh,
hau biang hauf eef sev Yav-bov-la-hanf gee teeh zung bin tingf titf."
20 Ye-hheev-huav bov,
"Meenf huh giau liauh sauv hookf goou lengv hunf Soh-to-mah gee hemv lengv hunf Eev-mov-la gee,
geef loh titf titf seeu inv seeu bang vooi.
21 En teeif hauf dif longf booiv,
dekf geef loh huk gee tih meenf tih zing hauf hingf huh gee teenf heen;
zeekf meenf tih,
hauf ya huh."
Yav-bov-la-hanf hooi heeuv Soh-to-mah mee hhuf Siangf-dif
22 Hhiv zung gee voon huf lokf ninh booiv Soh-to-mah vooi,
danf tih Yav-bov-la-hanf enf nyunv yoou dau na Ye-hheev-huav yoou.
23 Yav-bov-la-hanf booiv ningf geef bov,
"Zu haf,
meenf guan tih ngif yinv ha tih lengv hunf seeu meef zung dif hongf goonf miatf booiv haf?
24 Heeuv neeh mee zeekf lai ngoh teepf na ngif yinv,
meef ya dif miatf heeuv neeh mee booiv haf?
Meef meenf veeih neeh ngoh teepf na ngif yinv,
yuanv liangf heeuv neeh mee gee lengv hunf haf?
25 Meef zuatf deeif meenf hooi teenf heen huk teeh gee,
oouv ngif yinv hemv lengv hunf seeu gee hongf goonf ga booiv,
biang ngif yinv hemv lengv hunf seeu gee hongf goonf.
Meef zuatf deeif meenf hooi teenf huk gee.
Simh fuanf suanv sif gaif gee Zu,
dif huk meenf gung ngif gee teeh haf?"
26 Ye-hheev-huav bov,
"Hauf zeekf yoou heeuv Soh-to-mah div heekf ngoh teepf na ngif yinv,
hauf ziuh veeih geef loh yuanv liangf heeuv neeh mee gee lengv hunf."
27 Yav-bov-la-hanf tanv bov,
"Zu haf,
tuif yianf hauf tih boonh bongf zok gee,
danf tih hauf ya goom hemv Zu gang go.
28 Zeekf neeh ngoh teepf na ngif yinv tiu nga na vooi,
meef dif eenv veeih tiu neeh nga na vooi ziuh miatf heeuv neeh mee booiv haf?"
Zu bov,
"Hauf zeekf yoou ninh div heekf tee teepf nga na,
hauf ya meenf miatf heeuv neeh mee."
29 Yav-bov-la-hanf yuh tooi geef bov,
"Zu haf,
zeekf yoou ninh div heekf tee teepf na nif?"
Zu bov,
"Veeih neeh tee teepf na,
hauf ya meenf huk teeh neeh hhinh hee."
30 Yav-bov-la-hanf bov,
"Hhuf Zu meenf ngah hheei hhif,
sev hauf tooi fooif hemv,
zeekf yoou ninh div heekf tamv teepf na nif?"
Zu bov,
"Hauf yoou ninh zeekf div heekf tamv teepf na,
hauf ya meenf huk teeh neeh hhinh hee."
31 Yav-bov-la-hanf bov,
"Zu haf,
hauf ya looiv nyoof nyoo tooi Zu fooif hemv,
zeekf yoou ninh div heekf ngih teepf na nif?"
Zu bov,
"Veeih neeh ngih teepf na,
hauf ya meenf miatf heeuv neeh mee."
32 Yav-bov-la-hanf yuh bov,
"Hhuf Zu meenf ngah hheei hhif,
sev hauf zaif tooi fooif hemv,
zeekf yoou ninh div heekf teepf na nif?"
Zu bov,
"Veeih neeh teepf na,
hauf ya meenf miatf heeuv neeh mee."
33 Ye-hheev-huav hemv Yav-bov-la-hanf gang go inv ziuh booiv vooi,
Yav-bov-la-hanf ya leengv lengv geef toof too gee vooi.