2 Yav-bov-la-hanf lai Yih-sav,

Yih-sav lai Yav-gookf,

Yav-gookf lai Yiuh-daf hemv engv tok geef gee,

3 Yiuh-daf hemv Ta-mah lai Fav-leeqf-si hemv Sief-la,

Fav-leeqf-si lai Si-si-lonv,

Si-si-lonv lai Yav-lanv,

4 Yav-lanv lai Yav-miv-nav-dav,

Yav-miv-nav-dav lai Nav-sunf,

Nav-sunf lai Sa-meenv,

5 Sa-meenv hemv La-hheev lai Bo-a-si,

Bo-a-si hemv Luf-teev lai Eev-beeif-teev,

Eev-beeif-teev lai Ye-si,

6 Ye-si lai Daf-vuif voongv.

Daf-vuif hemv maih U-lif-yav huf hee lai Sov-lov-meenv,

7 Sov-lov-meenv lai Lov-bo-an,

Lov-bo-an lai Yav-bih-yav,

Yav-bih-yav lai Yav-sa,

8 Yav-sa lai Ye-sa-fav,

Ye-sa-fav lai Ye-lanv,

Ye-lanv lai U-si-yav,

9 U-si-yav lai Ye-hanh,

Ye-hanh lai Yav-hha-si,

Yav-hha-si lai Si-si-zia,

10 Si-si-zia lai Mav-nav-si,

Mav-nav-si lai Yav-meenv,

Yav-meenv lai Ye-si-yaf,

11 Ye-si-yaf lai Ye-gee-niv-yav hemv engv tok geef gee, neeh tif hoouh Yih-seef-liatf gee bek ting bif hoof booiv Ba-bih-lonv.

12 Geef-loh bif hoof doongv Ba-bih-lonv hoouh looif,

Ye-gee-niv-yav lai Sa-la-tev,

Sa-la-tev lai Sov-lov-ba-bov,

13 Sov-lov-ba-bov lai Yav-bih-yif,

Yav-bih-yif lai Yih-lif-yav-zingf,

Yih-lif-yav-zingf lai Yav-sov,

14 Yav-sov lai Sa-du,

Sa-du lai Yav-zin,

Yav-zin lai Yih-lif,

15 Yih-lif lai Yih-lif-yav-sa,

Yih-lif-yav-sa lai Mah-danf,

Mah-danf lai Yav-gookf,

16 Yav-gookf lai Ye-seef, Ye-seef ziuh tih bef Mah-lif-a huf hee; Yev-so tih Mah-lif-a lai gee, ya yam tih Gi-dukf.

17 Teenf hhoouf uif, lokf Yav-bov-la-hanf doongv Daf-vuif inf-inv lai teepf ti tooi; lokf Daf-vuif doongv bek ting gee bif hoof booiv Ba-bih-lonv gee tif hoouh, ya tih teepf ti tooi; lokf bif hoof booiv Ba-bih-lonv doongv Gi-dukf ya tih teepf ti tooi.

18 Yev-so Gi-dukf giangf seeng gee teeh gif yoou dauf ninh: Maih lai geef huf hee Mah-lif-a duf ga eef sev Ye-seef vooi, danf tih enf meenf giatf hun yoou, Seengf-lingv gee neengv likf ziuh biang geef guaf nungh vooi. 19 Bef Mah-lif-a huf hee Ye-seef tih ngif yinv huf hee, Ye-seef meenf tiang yoou dau na hemv goonf biang geef ngaif nyo, ziuh tiang lookf-lookf meenf oouv geef vooi.

20 Danf tih Ye-seef doongv tif tiang teeh neeh gee, ziuh lai Zu gee hian seeh huf hee geen voonf geef, bov, "Leekf lanv Daf-vuif huf hee Ye-seef haf, meenf ngah mangf, meef na guf oouv maih meef huf hee Mah-lif-a gua lanf, eenv veeih leekf geef guaf-guaf neeh huf hee tih lokf Seengf-lingv miaf gee. 21 Geef dif lai leekf da hhiangh huf hee, meef hheem hemv geef hhooiv nooiv yam Yev-so hee, eenv veeih geef dif go bek ting geef gee lokf da soih geef-loh gee uk miaf."

22-23 Sian zi bov, "Noh, doongv nooih itf dingf lai leemf leekf gangf moof huf hee guaf nungh, geef dif lai leekf da hhiangh huf hee, lengv-hunf dif yam leekf neeh huf hee Yih-mah-neeif-lif hee." (Yih-mah-neeif-lif gee if see tih "Siangf-dif hemv doouf-loh yoou ningf goonf.") Too lai fatf seeng gee teeh, tih dif biang Zu yam sian zi gang gee go bin tingf titf.

24 Ye-seef angv vooi, ziuh ziuf Zu gee hian seeh zuk geef gee, oouv maih geef huf hee gua lanf vooi; 25 danf tih meenf hemv geef lap suanv yoou, foou zi doongv geef lai leekf da hhiangh neeh huf hee. Ye-seef ziuh hemv leekf nee hhooiv nooiv yam Yev-so hee.