3 Geef loh hemv goonf hamf liangf bov,

"Miaf!

Doouf loh hemv goonf huk zinv,

ngupf zinv gee ngauf ngau geef."

Geef loh ziuh oouv zinv miaf huk dinf,

oouv likf sing miaf huk ziangv.

4 Geef loh yuh bov,

"Miaf!

Doouf loh gianf heeuv mee hemv hepf dapf mee,

hepf dapf mee hangv doongv fa booiv,

hau suanf nooiv doouf loh toof too gee,

ha zinf doouf loh tan goonf yoou suanf bak matf vooi."

5 Ye-hheev-huav longf miaf,

dif dekf lengv hunf doongv dif gianf gee heeuv mee hemv dapf mee.

6 Ye-hheev-huav bov,

"Dekf lof!

Geef loh tih minv zukf mee,

gang go zuangv hee,

geef loh giangf hhai sih ziuh huk teeh neeh gee vooi,

doongv nooih geef loh dif tiang huk gai gee,

ya meenf lai naf nee lanf lai geef loh vooi.

7 Miaf!

Doouf loh longf booiv,

huk go geef loh gee luanf booiv,

biang geef loh gang go meenf hongf goonf,

biang leeuf na duf meenf took hingf go leeuf na gee vooi."

8 Ye-hheev-huav ziuh biang geef loh lokf ninh tan booiv bak matf hoouf hoou vooi,

geef loh ziuh hengf meenf gianf heeuv neeh mee vooi.

9 Eenv veeih Ye-hheev-huav yoou ninh huk go lengv hunf bak matf gee luanf vooi,

yuh biang geef loh lokf ninh tan booiv bak matf hoouf hoou,

guf seeh heeuv neeh mee yam Ba-bev^a hee.

10 Sanv gee heeuf daif gif yoou dauf ninh:

Tingf namh gua voon veeif hoouh looif,

Sanv it bek tui gee tif hoouh,

lai Yav-fav-sa.

11 Sanv lai Yav-fav-sa hoouh looif,

yuh goonv ngoh bek veeif hemv,

yoou neeh duanf tif ganv ya lai gakf gee leekf ngif hemv.

12 Yav-fav-sa tamv teepf nga tui gee tif hoouh lai Sa-la.

13 Yav-fav-sa lai Sa-la hoouh looif,

yuh goonv tee bek lengf tamv veeif hemv,

yoou neeh duanf tif ganv ya lai gakf gee leekf ngif hemv.

14 Sa-la tamv teepf tui gee tif hoouh lai Si-bov.

15 Sa-la lai Si-bov hoouh looif,

yuh goonv tee bek lengf tamv veeif hemv,

yoou neeh duanf tif ganv ya lai gakf gee leekf ngif hemv.

16 Si-bov tamv teepf ti tui gee tif hoouh lai Fav-leeqf.

17 Si-bov lai Fav-leeqf hoouh looif,

yuh goonv tee bek tamv teepf veeif hemv,

yoou neeh duanf tif ganv ya lai gakf gee leekf ngif hemv.

18 Fav-leeqf tamv teepf tui gee tif hoouh lai La-uv.

19 Fav-leeqf lai La-uv hoouh looif,

yuh goonv voon bek lengf gu veeif hemv,

yoou neeh duanf tif ganv ya lai gakf gee leekf ngif hemv.

20 La-uv tamv teepf ngeeih tui gee tif hoouh lai Si-luf.

21 La-uv lai Si-luf hoouh looif,

yuh goonv voon bek lengf sit veeif hemv,

yoou neeh duanf tif ganv ya lai gakf gee leekf ngif hemv.

22 Si-luf tamv teepf tui gee tif hoouh lai Nav-hheef.

23 Si-luf lai Nav-hheef hoouh looif,

yuh goonv voon bek veeif hemv,

yoou neeh duanf tif ganv ya lai gakf gee leekf ngif hemv.

24 Nav-hheef ngih teepf gu tui gee tif hoouh lai Ta-la.

25 Nav-hheef lai Ta-la hoouh looif,

yuh goonv it bek it teepf gu veeif hemv,

yoou neeh duanf tif ganv ya lai gakf gee leekf ngif hemv.

26 Ta-la sit teepf tui gee tif hoouh lai Yav-bov-lanv,

Nav-hheef,

Hha-lanv.

27 Ta-la gee heeuf daif gif yoou dauf ninh:

Ta-la lai Yav-bov-lanv,

Nav-hheef,

Hha-lanv;

Hha-lanv lai Lov-teev.

28 Hha-lanv daiv gua na bef lai geef,

geef daiv yoou lengv lai lai geef neeh hhootf hee,

ziuh tih yoou Gia-leeqf-tih gee Uh-eev.

29 Yav-bov-lanv hemv Nav-hheef zung oouv niangf vooi:

Niangf Yav-bov-lanv huf hee yam Sa-laiv hee;

niangf Nav-hheef huf hee yam Mif-zia hee,

Mif-zia tih leemf leekf Hha-lanv huf hee;

Hha-lanv lai Mif-zia hemv Yif-zia.

30 Sa-laiv meenf lai lai leekf,

meenf lai leekf ngif.

31 Ta-la yin leekf da hhiangh geef huf hee Yav-bov-lanv hemv leekf lanv geef huf hee Lov-teev,

gangf tinf fuh geef huf hee Sa-laiv,

lokf Gia-leeqf-tih gee Uh-eev booiv lengv Gia-noomv gee.

Lov-teev tih leekf da hhiangh Hha-lanv huf hee,

Sa-laiv tih maih Yav-bov-lanv huf hee.

Geef loh booiv doongv Hha-lanv ziuh zih yoou ninh.

32 Ta-la goonv voon bek lengf nga tui,

ziuh daiv yoou Hha-lanv.