Siangf-dif liakf Yav-bov-lanv
12
1 Ye-hheev-huav bov Yav-bov-lanv bov,
"Meef hheem lif hhooiv gia hiang meef gee,
lif hhooiv sinf sik meef gee,
lif hhooiv gav lanf bef lai meef gee,
doongv hauf nyi meef booiv gee lengv foongv.
2 Hauf dif biang meef tingf gok gav nyoo mee.
Hauf ya itf dingf sev fok zee meef,
biang naf nee duf huh nooiv meef mee,
lengv hunf gee ya dif eenv veeih meef deekf doongv fok feenh.
3 Zukf fukf meef gee,
hauf itf dingf sev fok zee geef;
zeeuf meef gee,
hauf itf dingf fatf geef.
Bak matf too lai gee minv zukf
zung itf dingf eenv veeih meef deekf doongv fok feenh."
4 Yav-bov-lanv ziuh ziuf Ye-hheev-huav zuk geef gee booiv huk vooi,
Lov-teev ya hemf moh geef booiv.
Yav-bov-lanv lif hhooiv Hha-lanv gee tif hoouh sit teepf nga tui.
5 Yav-bov-lanv yin maih geef huf hee Sa-laiv hemv leekf tok geef huf hee Lov-teev,
gangf geef loh yoou Hha-lanv zik gee saiv sanh hemv leekf nof gee,
lokf Hha-lanv booiv Gia-noomv.
Geef loh ziuh miaf doongv Gia-noomv vooi.
6 Yav-bov-lanv gif zukf booiv,
miaf doongv Sif-giamf gee Mov-lif ningf siangf suf neeh hhootf hee.
Neeh tif hoouh,
lengv hunf Gia-noomv gee zih yoou ninh.
7 Ye-hheev-huav sev Yav-bov-lanv dekf huh geef,
bov,
"Hauf dif sev lengv neeh hhootf hee zee heeuf daif meef gee."
Yav-bov-lanv ziuh yoou ninh huk gif hanv mee zee sev geef dekf huh gee Ye-hheev-huav.
8 Hoouh looif Yav-bov-lanv yuh gif zukf lokf ninh yif booiv noomf fiangf hee,
miaf doongv Bov-teef-lif dongv fiangf hee gee san hhi,
geef ziuh yoou ninh dap ziangf feengv mee.
Tooiv fiangf hee tih Bov-teef-lif,
dongv fiangf hee tih Aif.
Geef yoou ninh yuh huk gif hanv mee sev Ye-hheev-huav,
hhuf nooiv Ye-hheev-huav mee.
9 Hoouh looif Yav-bov-lanv yuh gif zukf yif booiv Gia-noomv gee noomv bufa.
Yav-bov-lanv booiv Ai-gipf
10 Neeh tif hoouh lengv neeh hhootf hee daiv yiak.
Yav-bov-lanv eenv veeih lengv neeh hhootf hee daiv yiak meenf huh giauh ngiamv zungf,
ziuh ziamf siv yif longf Ai-gipf vooi zih.
11 Dif doongv Ai-gipf gee tif hoouh,
geef bov maih geef huf hee Sa-laiv bov,
"Noh,
meef tengv teenf luang,
12 lengv hunf Ai-gipf gee dekf huh meef itf dingf bov,
'Neeh huf tih maih geef huf hee',
geef loh ziuh dif ga hauf,
teengh meef yoou.
13 Meef hheem bov meef tih gov hauf huf hee,
eenv veeih meef geef loh ziuh doi hauf maif,
ya meenf ga hauf vooi."
14 Titf titf teenf heen,
Yav-bov-lanv giangf doongv Ai-gipf,
lengv hunf Ai-gipf gee huh maih geef huf hee tengv luang zing feetf teenf heen.
15 Hak nyoo Fav-lauh gee dekf huh Sa-laiv vooi,
ziuh yoou dau na Fav-lauh ngenv geef luang.
Geef ziuh bif vanh dai loouh voongv gung Fav-lauh mee vooib.
16 Fav-lauh eenv veeih Sa-laiv ziuh doi Yav-bov-lanv meenf huh giauh maif,
sev tuangf,
sev nguf,
sev hookf luh,
leekf nof,
maih luh,
gangf lookf hoov neeh gee dunf hee zee geef.
17 Ye-hheev-huav eenv veeih maih Yav-bov-lanv huf hee Sa-laiv gee teeh,
ziuh biang Fav-lauh hemv gav lanf geef gee lengv hunf lai fingh meenf huh giauh hhoonv.
18 Fav-lauh ziuh yam Yav-bov-lanv miaf vooi,
bov,
"Meef veeih gai teenf doi hauf nif?
Veeih gai meenf seengv hauf geef tih maih meef huf hee?
19 Veeih gai bov geef tih gov meef huf hee,
tee hauf yam geef miaf,
dif oouv geef huk maih hauf huf hee?
En teeif maih meef huf hee yoou nooih noh,
yin geef booiv lo!"
20 Fav-lauh ziuh yam lengv hunf hong Yav-bov-lanv hemv maih geef huf hee,
gangf geef too lai gee itf siatf booiv vooi.