Siangf-dif yam geef bov,

"Yav-bov-la-hanf haf!"

Geef tanv bov,

"Gai gee?"

2 Siangf-dif bov,

"Meef yin leekf da hhiangh meef huf hee,

ziuh tih meef zuif dookf gee dukf seeng zeeh^a Yih-sav,

booiv Mov-lif-yaf,

doongv baiv tiah hauf dif nyi meef neeh mee vooi,

oouv geef huk fan gif hianf sev hauf."

3 Haih ngeeih veenf Yav-bov-la-hanf zauf zau uif miaf,

zunh bif luh maif vooi,

ya zakf veenf ngupf fan gif neeh gee maif vooi,

ziuh yin leekf da hhiangh geef huf hee Yih-sav hemv leekf nof voon huf booiv lengv Siangf-dif nyi geef booiv gee neeh hhootf hee.

4 Haih tamv veenf,

Yav-bov-la-hanf doongf hau looif looiv vook huh tiah neeh mee vooi.

5 Geef ziuh bov leekf nof geef gee bov,

"Meef loh hemv luh gee foou yoou nooih,

hauf hemv leekf huf hee booiv fiangf ninh vooi,

bai ziu ziuh leengv ningf meef loh."

6 Yav-bov-la-hanf yam leekf da hhiangh geef huf hee Yih-sav iaq veenf ngupf fan gif neeh gee,

geef toof too nganv veeif hemv mitf;

voon na leekf bef ziuh hongf goonf booiv vooi.

7 Yih-sav hemv bef lai geef Yav-bov-la-hanf gang bov,

"Baf haf!"

Yav-bov-la-hanf bov,

"Nungh haf!

Gai gee?"

Yih-sav bov,

"Noh,

veeif hemv veenf zung lai vooi,

danf tih leekf tuangf hianf fan gif neeh huf hee yoou leeuf nenh?"

8 Yav-bov-la-hanf bov,

"Nungh haf!

Siangf-dif itf dingf toof too zunh bif hianf fan gif gee leekf tuangf."

Voon na leekf bef yuh gif zukf booiv.

9 Geef loh doongv lengv Siangf-dif nyi nyi neeh hhootf hee vooi,

Yav-bov-la-hanf ziuh yoou ninh huk gif hanv mee,

ya faif veenf gee maif maif vooi,

ziuh gatf leekf da hhiangh geef huf hee Yih-sav loouh,

zav geen baiv veenf gif hanv gee vooi.

10 Yav-bov-la-hanf yitf mitf uk miaf,

dif ga leekf da hhiangh geef huf hee,

11 danf tih Ye-hheev-huav gee sih zeh lokf baiv fa siuh Yav-bov-la-hanf,

bov,

"Yav-bov-la-hanf haf!

Yav-bov-la-hanf!"

Yav-bov-la-hanf tanv bov,

"Gai gee?"

12 Hian seeh bov,

"Meef meenf zun longf moof ga leekf neeh huf hee,

ziqf duf meenf zun noov geef.

En teeif hauf huh meef tih gingf vuif Siangf-dif gee vooi,

eenv veeih meef meenf lai luf leekf da hhiangh meef huf hee,

ziuh tih meef gee dukf seeng zeeh meenf sev hauf."

13 Yav-bov-la-hanf giangf doongf hau uif dekf,

ziuh huh lai hookf mianv yiangv huf hee,

vauf deei hee geh loouh hau hia on vooi.

Geef ziuh gua booiv hoof hookf mianv yiangv neeh huf hee miaf,

huk fan gif hianf sev Siangf-dif,

ding leekf da hhiangh geef huf hee vooi.

14 Yav-bov-la-hanf ziuh hhooiv lengv neeh hhootf hee yam Ye-hheev-huav yih leeqf^b hee,

zi doongv veenf nooih lengv hunf gee enf bov,

"Yoou baiv tiah Ye-hheev-huav gee itf dingf lai zunh bif."

15 Ye-hheev-huav gee sih zeh haih ngeeih fooif lokf baiv fa siuh Yav-bov-la-hanf,

16 bov,

"Ye-hheev-huav bov,

'Meef gif yianv huk teeh neeh hhinh hee vooi,

meenf lai luf leekf da hhiangh meef huf hee,

ziuh tih meef gee dukf seeng zeeh meenf sev hauf,

hauf ziuh nyi toof too fat tooih^c,

17 hauf itf dingf sev fok liauf liauh zee meef,

itf dingf biang heeuf daif meef gee fat siv meenf huh giauh liauh,

liauh zing leekf saiv baiv fa gee,

tangv ningf hai gee teenf heen;

heeuf daif meef gee itf dingf ziamf heeuv dikf yinv gee.

18 Bak matf too lai gee gok gav zung itf dingf eenv veeih heeuf daif meef gee deekf doongv fok feenh,

eenv veeih meef hingf go hauf gee vooi.'"

19 Yav-bov-la-hanf ziuh leengv ningf leekf nof geef gee vooi.

Geef loh ziuh hemv goonf leengv Bev-sif-ba vooi,

Yav-bov-la-hanf zih yoou ninh.

20 Teeh neeh gee hoouh looif,

lai lengv hunf seengv Yav-bov-la-hanf bov,

"Mif-zia ya hooi tok meef huf hee Nav-hheef lai leekf da hhiangh gi huf vooi.

21 Leekf da hhiangh neef nyoo huf hee yam U-si,

tok U-si gee tih Buf-si,

hemv Yav-lanv gee bef lai Gi-muh-lif,

22 gangf Gi-se,

Hha-sov,

Bif-tav,

If-la,

hemv Bih-tuh-lif."

23 Bih-tuh-lif lai Lif-baiv-zia.

Neeh bet na engv tok zung tih Mif-zia hooi tok Yav-bov-la-hanf huf hee Nav-hheef lai gee.

24 Maih nook Nav-hheef huf hee yam Liuv-mah hee,

geef lai Tiv-ba,

Ziav-hanv,

Ta-siav hemv Mah-zia.