Yav-bov-la-hanf gua tooi
25
1 Yav-bov-la-hanf yuh oouv maih huf hee hemv,
nooiv yam Gi-tuv-la hee.
2 Gi-tuv-la hooi geef lai Sin-lanv,
Ye-san,
Miv-danf,
Miv-dianf,
I-sih-ba hemv Su-yaf.
3 Ye-san lai Sif-ba hemv Tiv-danf.
Lengv hunf Yaf-su-lif,
lengv hunf Lif-du-sif hemv lengv hunf Lif-u-miv neeh gee zung tih leekf lanv Tiv-danf gee.
4 Yih-fav,
Yih-fov,
Hha-noqf,
Yaf-bih-daf hemv Yih-leeqf-daf zung tih leekf da hhiangh Miv-dianf gee.
Lengv hunf neeh gee inf inv zung tih leekf lanv Gi-tuv-la gee.
5 Yav-bov-la-hanf oouv geef itf siatf too lai gee zung sev zee Yih-sav vooi.
6 Danf tih leekf da hhiangh maih nook lai neeh gee,
Yav-bov-la-hanf dim geef enf yoou gee tif hoouh oouv goouh ziqf hee sev zee geef loh,
yam geef loh lif hhooiv leekf da hhiangh geef huf hee Yih-sav,
booiv dung foong neeh fiangf hee,
zi doongv lengv dung foong gee.
7 Yav-bov-la-hanf goonv doongv it bek sit teepf nga tui.
8 Yav-bov-la-hanf goonv lauf lauh nah gua tooi,
guiv leengv ningf gungv bef geef neeh hhootf hee vooi.
9 Leekf da hhiangh geef voon huf Yih-sav hemv Yih-siv-mah-lif bok geef yoou soongh da veen Maif-bih-la neeh mee.
Soongh neeh mee yoou ningf Manf-lif,
yoou da veen Yih-fov-lonv neeh hhootf hee,
Yih-fov-lonv tih leekf da hhiangh Sov-siav huf hee,
tih lengv hunf Hheef gee.
10 Veen neeh hhootf hee tih Yav-bov-la-hanf hemv lengv hunf Hheef gee vianv gee.
Yav-bov-la-hanf hemv maih geef huf hee Sa-la zung bok yoou ninh.
11 Yav-bov-la-hanf daiv hoouh looif,
Siangf-dif sev fok zee leekf da hhiangh geef huf hee Yih-sav,
Yih-sav zih yoou ningf Bif-eev-la-haih-laiv.
Yih-siv-mah-lif gee heeuf daif
12 Yih-siv-mah-lif hemv heeuf daif geef gee gif yoou dauf ninh:
Yih-siv-mah-lif tih Yav-bov-la-hanf hemv Ai-gipf lengv hunf Siaf-ziav lai gee leekf da hhiangh,
Siaf-ziav tih leekf nof Sa-la huf hee.
13 Neeh gee tih leekf da hhiangh Yih-siv-mah-lif gee,
nooiv geef loh gee ziuf zukf fu gif yoou dauf ninh:
Leekf da hhiangh neef nyoo huf hee tih Niv-baif-ye,
zip longf miaf neeh gee tih Gi-tav,
Yaf-teev-bev,
Miv-bih-san,
14 Miv-si-mah,
Tuf-mah,
Mah-sa,
15 Hha-daf,
Tiv-mah,
I-tu,
Nav-feei-si,
Gi-tiv-mah.
16 Leekf da hhiangh Yih-siv-mah-lif neeh teepf ngeeih huf huk teepf ngeeih mooqf zukf gee zukf ziangh.
Zukf geef loh gee hemv voo geef loh gee gangf lengv geef loh gee zung tih ziuf nooiv geef loh gee miaf yam gee.
17 Yih-siv-mah-lif goonv doongv it bek tamv teepf sit tui ziuh hunh hheei daiv vooi,
guiv leengv ningf gungv bef geef neeh hhootf hee vooi.
18 Leekf lanv Yih-siv-mah-lif gee zih doi minh engv tok geef gee,
lokf Hha-feei-la zi doongv Su-eev,
lengv neeh hhootf hee yoou ningf Ai-gipf gee dongv fiangf hee,
yoou sunv booiv Yav-suf neeh hiuf hee.
Yih-sav lai leekf da hhiangh voon huf
19 Leekf da hhiangh Yav-bov-la-hanf huf hee Yih-sav gee heeuf daif gif yoou dauf ninh:
Yav-bov-la-hanf lai Yih-sav.
20 Yih-sav oouv Lif-baiv-zia gee tif hoouh tee teepf tui.
Lif-baiv-zia tih leemf leekf Bih-tuh-lif huf hee,
tih gov La-ban huf hee,
tih lengv hunf Yav-lanv gee,
zih yoou lengv Ba-danf-yaf-lanv gee.
21 Yih-sav eenv veeih maih geef huf hee meenf lai leekf,
ziuh hooi maih geef huf hee hhuf Ye-hheev-huav.
Ye-hheev-huav ziuh hheeng vooi,
maih geef huf hee Lif-baiv-zia ziuh guaf nungh vooi.
22 Leekf gee yoou da boqf geef mee hemv goonf ong goonf,
geef ziuh bov,
"Hauf di leeuf ziuh nanf vif teenf heen?"
Geef ziuh booiv hhuf tooi Ye-hheev-huav.
23 Ye-hheev-huav bov geef bov,
"Voon mooqf gok gav yoou da boqf meef,
voon mooqf minv zukf dif lokf boqf meef feenv uk miaf,
neeh zukf hee itf dingf heen gua nah zukf hee,
neef nyoo huf hee dif fokf teeh neef nook huf hee."
24 Doongv veenf lai nungh vooi,
of,
Lif-baiv-zia titf titf lai leekf da hhiangh tuangf tengv deei hee!
25 Sian lai uk miaf neeh huf hee suanf huf zung hongf hongf,
ngukf vunf dik huf vooi,
zing dingv yua vunf teenf heen,
geef loh ziuh hhooiv geef yam Yih-soouva hee.
26 Seeif looif,
tok Yih-soouv huf hee ya lai uk miaf vooi,
moof geef deei hee ziu moh zengv Yih-soouv mee,
ziuh hhooiv geef yam Yav-gookfb hee.
Lif-baiv-zia lai leekf da hhiangh neeh voon huf gee tif hoouh,
Yih-sav lokf teepf tui.
Yih-soouv toonv mingf feenh hau hoouf geef mee vooi
27 Leekf voon huf ziamf ziamf nyoo uif,
Yih-soouv heen git sangv,
siangf siangf yoou da sangv.
Yav-gookf lengv hunf nee on,
siangf siangf zumh yoou da ziangf feengv.
28 Yih-sav dookf Yih-soouv,
eenv veeih geef ooi goonv goouh sangv Yih-soouv git neeh gee.
Danf tih Lif-baiv-zia dookf Yav-gookf.
29 Lai veenf hee,
Yav-gookf bauv so da moof nenh,
Yih-soouv lokf da sangv leengv miaf,
nuai teh hetf vooi.
30 Geef ziuh yam Yav-gookf bov,
"Meng ziqf oouv so maf hoouh hongf sev hauf goonv,
hauf duf ga nuai teh hetf vooi."
Teenf heen Yih-soouv ya yam Yih-dungc hee.
31 Yav-gookf bov,
"Noov lai,
veenf nooih meef ing mingf feenh leekf hau hoouf mee zee hauf lof!"
32 Yih-soouv bov,
"Toonv ziuh toonv,
hauf dif daiv vooi,
hauf oouv mingf feenh leekf hau hoouf mee lai gai yungh yoou?"
33 Yav-gookf bov,
"En teeif meef hemv hauf fat tooih lof!"
Yih-soouv ziuh fat tooih,
oouv mingf feenh leekf hau hoouf geef mee ing sev Yav-gookf vooi.
34 Yav-gookf ziuh oouv bing hemv so maf hoouh hongf sev Yih-soouv,
geef goonv inv ziuh uif miaf booiv vooi.
Yih-soouv ziuh tih teenf heen vook hhoo mingf feenh leekf hau hoouf geef mee vooi.