2 Yih-soouv oouv leemf leekf Gia-noomv voon huf,

huf hee yam Yav-daf hee,

tih leemf leekf Yih-lonv huf hee,

tih lengv hunf Hheef gee.

Huf hee yam A-hheev-lif-ba-mah hee,

tih leemf leekf Yav-nav huf hee,

ya tih leekf lanv Gif-bianf huf hee,

tih lengv hunf Si-vuif gee.

3 Ya oouv Ba-siv-mof hemv,

geef tih leemf leekf Yih-siv-mah-lif huf hee,

tih gov Niv-baif-ye huf hee.

4 Yav-daf hooi Yih-soouv lai Yih-lif-fav,

Ba-siv-mof lai Liuv-eev.

5 A-hheev-lif-ba-mah lai Ye-u-si,

Yav-lanv,

Hheev-la.

Leekf da hhiangh neeh hoouf hee tih Yih-soouv yoou Gia-noomv lai gee.

6 Yih-soouv yin maih geef gee leekf geef gee hemv yoou lanf geef too lai gee lengv hunf,

gangf nguf geef gee tuangf geef gee hemv geef yoou lengv Gia-noomv zik gee suanv buf saiv sanh,

lif hhooiv tok geef huf hee Yav-gookf,

booiv gakf hhootf vooi.

7 Eenv veeih goouh geef loh gee haif liauh vooi,

meenf zih lai yoou ningf goonf;

yuh eenv veeih nguf,

tuangf,

geef loh neeh gee haif liauh vooi,

lengv geef loh ziamf siv zih neeh hhootf hee meenf zih lai geef loh longf vooi.

8 Yih-soouv ziuh yif booiv Si-eev san hhi vooi zih,

Yih-soouv ziuh tih Yih-dung.

9 Yih-soouv tih Si-eev san hhi lengv hunf Yih-dung gee zuh sian,

heeuf daif geef gee gif yoou dauf ninh:

10 Maih Yih-soouv huf hee Yav-daf lai Yih-lif-fav;

maih Yih-soouv huf hee Ba-siv-mof lai Liuv-eev.

11 Leekf da hhiangh Yih-lif-fav gee tih Tiv-manf,

A-mof,

Siv-bo,

Zia-tanv,

Gi-naf-si.

12 Tingv-naf tih maih nook Yih-lif-fav huf hee,

Yih-lif-fav tih leekf da hhiangh Yih-soouv huf hee,

geef hooi Yih-lif-fav lai Yaf-mah-lif.

Neeh gee zung tih maih Yih-soouv huf hee Yav-daf gee leekf lanv.

13 Leekf da hhiangh Liuv-eev gee tih Nav-hha,

Sef-la,

Sa-mah,

Miv-sa.

Neeh gee zung tih maih Yih-soouv huf hee Ba-siv-mof gee leekf lanv.

14 Maih Yih-soouv huf hee A-hheev-lif-ba-mah,

ya tih leekf lanv Gif-bianf huf hee,

tih leemf leekf Yav-nav huf hee,

geef hooi Yih-soouv lai Ye-u-si,

Yav-lanv,

Hheev-la.

15 Leekf lanv Yih-soouv huk zukf ziangh neeh gee gif yoou dauf ninh:

Leekf neef nyoo Yih-soouv huf hee Yih-lif-fav gee leekf lanv,

huk zukf ziangh gee tih:

Tiv-manf,

A-mof,

Siv-bo,

Gi-naf-si,

16 Hheev-la,

Zia-tanv,

Yaf-mah-lif.

Geef loh zung tih leekf lanv Yih-lif-fav gee,

zih yoou lengv Yih-dung gee,

ya tih maih Yih-soouv huf hee Yav-daf gee leekf lanv.

17 Leekf da hhiangh Yih-soouv huf hee Liuv-eev gee leekf lanv,

huk zukf ziangh gee tih:

Nav-hha,

Sef-la,

Sa-mah,

Miv-sa.

Geef loh zung tih Liuv-eev yoou Yih-dung gee leekf lanv,

ya tih maih Yih-soouv huf hee Ba-siv-mof gee leekf lanv.

18 Maih Yih-soouv huf hee A-hheev-lif-ba-mah gee leekf lanv,

huk zukf ziangh gee tih:

Ye-u-si,

Yav-lanv,

Hheev-la.

Zukf ziangh neeh gee zung tih maih Yih-soouv huf hee A-hheev-lif-ba-mah gee leekf lanv lai gee,

A-hheev-lif-ba-mah tih leemf leekf Yav-nav huf hee.

19 Gif lukf yoou baiv ninh neeh gee zukf ziangh,

inf inv zung tih leekf lanv Yih-soouv gee.

Yih-soouv ziuh tih Yih-dung.

20-21 Yih-dung dang dif lengv hunf gee zuh sian,

zung tih Hheev-lif lengv hunf Si-eev gee leekf lanv,

geef loh tih Lov-dan,

Sof-ba,

Gif-bianf,

Yav-nav,

Tiv-sunf,

Yih-satf,

Tiv-san.

Geef loh zung tih leekf lanv Si-eev gee zukf ziangh,

Si-eev tih Yih-dung dang dif gee Hheev-lif lengv hunf.

22 Leekf da hhiangh Lov-dan gee tih Hheev-lif hemv Si-manf.

Lov-dan lai gov huf hee yam Tingv-naf hee.

23 Leekf da hhiangh Sof-ba gee tih Yav-leeqf-veenv,

Mav-nav-siav,

Yih-ba-luf,

Sif-bo,

A-nanv.

24 Leekf da hhiangh Gif-bianf gee tih Yav-yav hemv Yav-nav.

Gua na hooi bef lai tiangh luh yoou da loouh huh namh maf dof lun mee gee ziuh tih neeh huf Yav-nav.

25 Leekf da hhiangh Yav-nav huf hee tih Tiv-sunf,

leemf leekf Yav-nav huf hee tih A-hheev-lif-ba-mah.

26 Leekf da hhiangh Tiv-sunf gee tih Sin-danf,

I-sif-ban,

If-lanv,

Gi-lanv.

27 Leekf da hhiangh Yih-satf gee tih Bif-hanf,

Sa-fan,

Yav-gan.

28 Leekf da hhiangh Tiv-san gee tih U-si hemv Yav-lanv.

29 Hheev-lif lengv hunf gee zukf ziangh gif yoou dauf ninh:

geef loh tih Lov-dan zukf ziangh,

Sof-ba zukf ziangh,

Gif-bianf zukf ziangh,

Yav-nav zukf ziangh,

30 Tiv-sunf zukf ziangh,

Yih-satf zukf ziangh,

Tiv-san zukf ziangh.

Neeh gee zung tih lengv hunf Hheev-lif gee zukf ziangh,

geef loh zung zih yoou lengv Si-eev gee,

ziuf zukf geef loh gee huk zukf ziangh.

31 Lengv hunf Yih-seef-liatf gee enf meenf lai voongf guanh geef loh yoou,

lengv Yih-dung gee duf ga lai voongf guanh vooi,

nooiv geef loh gee anf sunf sif gif yoou dauf ninh:

32 Leekf da hhiangh Bih-eev huf hee Bih-la yoou Yih-dung huk voongf,

heeuv geef mee yam Tingv-hha-ba hee.

33 Bih-la daiv vooi,

Ye-ba zip vih geef mee huk voongf,

Ye-ba tih leekf da hhiangh Sef-la huf hee,

tih lengv hunf Bo-si-la heeuv gee.

34 Ye-ba daiv vooi,

Huf-san zip vih geef mee huk voongf,

Huf-san tih bak lengv Tiv-manf gee lengv hunf.

35 Huf-san daiv vooi,

Hha-dapf zip vih geef mee huk voongf.

Hha-dapf tih leekf da hhiangh Bih-dapf huf hee,

geef yoou lengv Mov-yaf gee git lengv hunf Miv-dianf gee tuv vooi.

Heeuv geef mee yam Yav-vuif-teev hee.

36 Hha-dapf daiv vooi,

Sang-la zip vih geef mee huk voongf,

Sang-la tih lengv hunf Mah-sif-lif-zia heeuv gee.

37 Sang-la daiv vooi,

Soouh-lov zip vih geef mee huk voongf,

Soouh-lov tih bak lukf lengv hoof Iuf-fa-la-tiv gee Lif-hheev-bov heeuv lengv hunf.

38 Soouh-lov daiv vooi,

Ba-leeqf-hha-nanv zip vih geef mee huk voongf,

Ba-leeqf-hha-nanv tih leekf da hhiangh Yav-geev-bo huf hee.

39 Ba-leeqf-hha-nanv daiv vooi,

Hha-dapf zip vih geef mee huk voongf,

maih Hha-dapf huf hee yam Miv-si-ta-bev hee,

tih leekf lanv Miv-sa-hheev huf hee,

tih leemf leekf Mah-teef-liatf huf hee.

Heeuv geef mee yam Ba-u hee.

40 Dauf ninh tih lokf Yih-soouv sut uk miaf gee zukf ziangh,

ziuf zukf geef loh gee lengv geef loh zih gee nooiv geef loh gee gif yoou dauf ninh:

Ziuh tih Tingv-naf zukf ziangh,

Yav-leeqf-huav zukf ziangh,

Ye-te zukf ziangh,

41 A-hheev-lif-ba-mah zukf ziangh,

Yih-la zukf ziangh,

Bih-neenf zukf ziangh,

42 Gi-naf-si zukf ziangh,

Tiv-manf zukf ziangh,

Miv-bih-sa zukf ziangh,

43 Mah-gi-tev zukf ziangh,

Yih-lanv zukf ziangh.

Geef loh zung tih lengv hunf Yih-dung gee zukf ziangh,

yoou lengv sev zee geef loh huk goonv neeh gee ziuf lengv geef loh zih neeh gee huk zukf ziangh,

lengv hunf Yih-dung gee zuh sian ziuh tih Yih-soouv.