3 Yav-gookf bov Ye-seef bov,

"Suanv neengv gee Siangf-dif gua na yoou lengv Gia-noomv gee heeuv Luf-si neeh hhootf hee sev hauf dekf huh geef,

geef ya yoou ninh sev fok hauf,

4 geef hemv hauf gang bov,

'Hauf dif biang meef leekf liauh lanv liauh,

biang heeuf daif meef gee bin tingf minv zukf nyoo mee;

hauf ya dif sev lengv neeh hhootf hee zee heeuf daif meef gee,

biang geef loh yungh yuanh yoou ninh huk goonv.'"

5 Yav-gookf yuh bov,

"Hauf meenf miaf Ai-gipf huh meef zee sianv,

meef yoou nooih lai gee Yih-fav-lianv hemv Mav-nav-si,

en teeif leekf neeh voon huf tuif leekf da hhiangh hauf gee;

Yih-fav-lianv hemv Mav-nav-si tih leekf da hhiangh hauf gee,

zing Liuv-bianf hemv Si-mianf tih leekf da hhiangh hauf gee teenf heen.

6 Seef geef loh voon na vooi,

hoouh looif meef lai gee nah tih leekf meef gee;

danf tih feenv gav teeh gee tif hoouh,

leekf neeh gee hhoo yi lokf gof geef loh Yih-fav-lianv hemv Mav-nav-si neeh hhootf hee feenv.

7 Hauf lokf lengv Ba-danf gee leengv miaf gee tif hoouh,

lif Yih-fav-ta enf lai sunv hhootf hee yoou,

La-zev ziuh daiv yoou dau na hauf,

ziuh tih yoou sunv booiv Gia-noomv neeh hiuf hee;

hauf ziuh bok geef yoou ningf sunv booiv Yih-fav-ta neeh hiuf hee.

Yih-fav-ta ziuh tih Bokf-lif-heengv."

8 Yih-seef-liatf dekf huh leekf da hhiangh Ye-seef voon huf,

ziuh tooi bov,

"Leekf neeh voon huf tih naf nee?"

9 Ye-seef tanv bef lai geef bov,

"Geef loh tih leekf da hhiangh hauf gee,

tih Siangf-dif yoou nooih sev hauf gee."

Yav-gookf bov,

"Yin geef loh miaf ningf hauf miaf,

hauf dif zukf fukf geef loh."

10 Yav-gookf lauh vooi,

dav laf vooi,

meenf dekf lai zinv.

Ye-seef ziuh yin leekf voon huf doongv dau na geef,

geef ziuh hoomv geef loh,

gut geef loh.

11 Yih-seef-liatf hemv Ye-seef gang bov,

"Hauf hhif bov hauf meenf huh dav meef fooif hemv vooi,

danf tih en teeif Siangf-dif meenf danf danv sev hauf dekf huh meef,

linf leekf meef gee geef ya sev hauf dekf huh vooi."

12 Ye-seef ziuh diuf leekf voon huf lokf ningf hau gauh Yav-gookf uk miaf^a,

yuh hhuih longf hhupf dauf matf vooi.

13 Seeif looif,

Ye-seef yuh diuf leekf voon huf doongv dau na Yav-gookf vooi.

Geef moof maif fiangf hee diuf Yih-fav-lianv,

biang Yih-fav-lianv nyunv yoou ningf moof vingv Yav-gookf;

moof vingv fiangf hee diuf Mav-nav-si,

biang Mav-nav-si nyunv yoou ningf moof maif Yav-gookf.

14 Danf tih Yih-seef-liatf zav moof geef deei hee gua goonf vooi,

zav moof maif fiangf hee geen baiv hau Yih-fav-lianv vooi,

Yih-fav-lianv tih neef nook huf hee;

yuh zav moof vingv fiangf hee geen baiv hau Mav-nav-si vooi,

Mav-nav-si tih neef nyoo huf hee.

15 Geef ziuh zukf fukf Ye-seef bov,

17 Ye-seef dekf huh bef lai geef zav moof maif fiangf hee geen baiv hau Yih-fav-lianv vooi,

timv mee ziuh meenf suh saih.

Geef ziuh yif moof maif bef lai geef fiangf hee,

lokf baiv hau Yih-fav-lianv geen baiv hau Mav-nav-si vooi.

18 Ye-seef hemv bef lai geef gang bov,

"Baf haf,

meenf tih teenf heen,

neeh huf nah tih neef nyoo huf hee,

hhuf meef zav moof maif geen baiv hau geef vooi."

19 Danf tih bef lai geef meenf hheeng,

bov,

"Hauf huh nenh,

leekf haf,

hauf huh nenh!

Mav-nav-si ya dif tingf minv zukf mee,

ya dif voongh uif;

danf tih doongv nooih tok geef huf hee dif voongh gua geef,

heeuf daif tok geef gee dif bin tingf haih liauh minv zukf gee hau."

20 Neeh veenf hee,

Yih-seef-liatf zukf fukf leekf neeh voon huf bov,

Yih-seef-liatf ziuh lipf Yih-fav-lianv geen baiv hau Mav-nav-si vooi.

21 Yih-seef-liatf yuh hemv Ye-seef gang bov,

"Noh,

hauf dif hhooiv daiv vooi,

danf tih Siangf-dif itf dingf hemv meef loh yoou ningf goonf,

doongv nooih dif yin meef loh leengv lengv zuh zung meef loh gee.

22 Hauf dif biang meef liauh gua engv tok meef gee feenh hee,

hauf dif sev lengv gua na hauf oouv loomh oouv mitf,

lokf lengv hunf Yaf-mov-lif geep miaf neeh hhootf hee zee meef."