Ye-nav yoou da boqf bav hemv Siangf-dif gang go
2
1 Ye-nav yoou da boqf bav mee hemv Ye-hheev-huav geef gee Siangf-dif gang bov,
2 "Ye-hheev-huav haf!
Hauf lookf nanf gee tif hoouh hhuf meef,
meef ziuh tanv hauf;
hauf lokf daf da im ganv hhuf meef,
meef ya hingf sav hauf.
3 Meef fengf hauf longf da hai vooi,
lak longf dauf dooi hai vooi;
namh hai gee nyoof-nyoo vif hauf loouh vooi,
langh meef gee hangf-hangv mutf gua hauf vooi.
4 Hauf timv tiang,
meef duf ga fengf hauf vooi,
hauf meenf dekf lai heekf Seengf-dianf meef mee fooif hemv vooi.
5 Namh gee nyoof-nyoo mutf gua hauf vooi,
hauf dif hhooiv mat hheei vooi;
uangf gee lakf-lakf vif hauf loouh vooi,
boot da hai gee menf hau hauf mee loouh vooi.
6 Hauf longf doongv gokf-gok tiah gee vooi,
deenh dauf matf neeh mee yungh yuanh langv hauf loouh vooi;
danf tih Ye-hheev-huav hauf gee Siangf-dif haf,
meef go mingh hauf hiuf hee lokf da soongh lakf-lakf neeh mee uk miaf.
7 Hheei hauf gee mef miaf mef tiu,
dif daiv gee tif hoouh,
hauf ziuh tiang heekf meef vooi,
Ye-hheev-huav haf,
hauf hhuf meef,
Zu hauf huf hee haf;
meef yoou da Seengf-dianf hingf heekf hauf hhuf meef vooi.
8 Lengv-hunf bai gungv meenf lai yungh neeh gee,
duf ga suif dookf geef-loh gee Siangf-dif vooi.
9 Danf tih,
hauf dif it minh ngenv meef,
it minh hianf goouh sev meef;
hauf eef gee,
hauf zung dif ziuf booiv huk.
Nah lai Ye-hheev-huav go lai lengv-hunf."
10 Seeif looif,
Ye-hheev-huav mingf lingf bav neeh huf hee,
bav neeh huf hee ziuh taiv Ye-nav geen baiv sangv vooi.