Engv tok meef gee zeekf famh soih vooi,

hheem hhin geef;

geef zeekf huh sook gaih gua miaf,

ziuh hheem yuanv liangf geef.

4 Geef zeekf veenf hee deekf zuif meef sit fooif,

leeuf fooif duf leengv miaf hemv meef gang bov,

'Hauf huk sook vooi',

meef duf hheem yuanv liangf geef."

5 Seeh huv gee hemv Zu gang bov,

"Zu haf,

hhuf meef biang hauf-loh geengf lai sinf sim."

6 Yev-so bov,

"Meef-loh zeekf lai sinf sim nyoo zing voonf sak mee teenf hee,

ziuh tih yam bunf neeh dun hee bov,

'Meef vokf gangf nyaf uif,

sav loouh da hai vooi',

geef ya hingf go meef-loh gee."

7 "Meef-loh naf nee lai leekf nof huf hee lokf da niaf tiangh teei ha tih looif niaf leengv miaf,

meef dif hooi yam geef bov,

'Meng ziqf ngov longf goonv fiah' le?

8 Meenf!

Meef nge yam geef bov,

'Gatf book booiv hooi hauf hungf fiah,

heng hoouh hauf goonv geemf vooi,

meef nah goonv.'

9 Leekf nof ziuf lanf zu an faih gee booiv huk vooi,

lanf zu ya meenf hhoo neengf gamh siaf geef!

10 Meef-loh ya tih teenf hee,

meef-loh huk itf siatf Siangf-dif an faih meef-loh gee teeh inv vooi,

ya hheem bov,

'Hauf-loh tih leekf nof vuf yungh gee,

huk gee meenf gua tih hauf-loh gaiv lai huk gee.'''

11 Yev-so geen heeuv Ye-luf-sa-leengh gee tif hoouh,

gua Sa-mah-lif-yaf seengh hemv Gia-lif-lif seengh,

12 Yev-so loouh voo mee^a,

lai lengv-hunf tingf ma fungv teepf huf doi na gua miaf,

nyunv on yoou looif-looi yam,

bov,

13 "Yev-so,

lauh see haf,

hhoo linf hhoo linf hauf-loh teef!"

14 Yev-so dekf huh vooi,

ziuh bov geef-loh bov,

"Meef-loh booiv,

oouv bun tinv sev gif see giamh sah."

Geef-loh booiv doongv da sunv gee tif hoouh,

ziuh maif ya bang vooi.

15 Hhiv zung lai huf hee dekf huh toof-too duf ga maif vooi,

ziuh gan hhuangf leengv miaf,

sauv lookf-look ngenv Siangf-dif,

16 ya hhuih yoou na gok Yev-so gamh siaf Yev-so.

Lengv-hunf neeh huf hee tih lengv-hunf Sa-mah-lif-yaf gee.

17 Yev-so bov,

"Meenf tih teepf na zung maif vooi haf?

Neeh gu na yoou leeuf nif?

18 Seef lengv-hunf hhiv ha minv zukf neeh huf hee vooi,

zaif meenf lai huf hemv leengv miaf guiv yungv yauf sev Siangf-dif haf?"

19 Yev-so ziuh yam lengv-hunf neeh huf hee,

bov,

"Uif miaf,

meef hhoo yi booiv vooi,

sinf sim meef gee go meef vooi."

20 Lai fooif hee,

lengv-hunf Fatf-lif-saif dangh gee tooi Yev-so bov,

"Siangf-dif gee gok gav gi tif miaf doongv?"

Yev-so tanv bov,

"Siangf-dif gee gok gav miaf doongv meenf tih dav dekf lai huh gee.

21 Lengv-hunf ya meenf bov lai,

'Dekf lo,

yoou nooih noh.

' 'Dekf lo,

yoou fiangf ninh.

' Eenv veeih Siangf-dif gee gok gav tih yoou da timv meef-loh^b."

22 Yev-so yuh hemv meenv huv gee gang bov,

"Doongv nooih dif lai veenf hee,

meef-loh meenf huh giauh tiang dekf huh Yeenv-zeeh leengv miaf,

danf tih meenf dekf lai huh.

23 Lengv-hunf dif hemv meef-loh gang bov,

'Dekf lo,

yoou fiangf ninh.

' 'Dekf lo,

yoou nooih noh.

' Meef-loh meenf ngah uk booiv,

ya meenf ngah hemf moh geef-loh.

24 Dianf di leeuf liap gua fa,

Yeenv-zeeh leengv miaf gee tif hoouh ya dif di leeuf hee.

25 Danf tih geef itf dingf hheem sian tuh haih liauh hho,

bif tooi ganv neeh mee gee lengv-hunf gif zuatf.

26 "Nov-yaf neeh mee tooi ganv di leeuf hee,

Yeenv-zeeh leengv miaf gee tif hoouh ya di leeuf hee.

27 Neeh tif hoouh,

lengv-hunf gee ya goonv ya maq,

ya oouv ya ha,

zi doongv Nov-yaf loouh foong zeeu gee neeh veenf hee,

ziuh tingf namh miaf mut geef-loh daiv inf-inv booiv vooi.

28 Ya zing Lov-teev neeh mee tooi ganv gee lengv-hunf teenf hee,

ya goonv ya maq,

ya ing ya vianv,

ya sav goouh ya huk lanf.

29 Zi doongv Lov-teev uk heeuv Soh-to-mah gee neeh veenf hee,

ziuh lai veeif hemv huangf lokf baiv fa dok longf miaf,

ngupf geef-loh daiv inf-inv booiv vooi.

30 "Yeenv-zeeh sungf miaf gee tif hoouh ya tih teenf hee.

31 Doongv neeh veenf hee,

lengv-hunf yoou baiv deng lanf,

goouh gee yoou da lanf,

meenf ngah loouh booiv oouv;

hongf yiangh,

lengv-hunf yoou da niaf huk gongv gee ya meenf ngah leengv lanf.

32 Meef-loh hheem oov maih Lov-teev huf hee gee teeh.

33 Neef tiang gov mingh toof-too gee,

itf dingf daiv mingh;

neef meenf gov mingh toof-too gee,

ziuh tih go toof-too vooi.

34 Hauf seengv meef-loh,

yoou neeh goomh hee,

voon na lap yoou tangf ziangv hee,

dif zip na hee booiv,

suif na hee longf;

35 maih leekf voon huf hongf goonf mah buah,

dif zip na hee booiv,

suif na hee longf.

36 ^c"

37 Meenv huv gee tooi Yev-so bov,

"Zu haf,

yoou leeuf lai teeh neeh gee nif?"

Yev-so tanv bov,

"Tiv lengv-hunf daiv gee yoou leeuf,

maih yiuh gee ya moouf yoou leeuf."