Siangf-dif soouh lengv hunf gee tif hoouh,

tih ziuf yiangh toof too mee miaf soouh gee.

2 Geef soouh da hhiangh hemv soouh maih leekf.

Soouh geef loh gee tif hoouh,

Siangf-dif sev fok zee geef loh,

yam geef loh tih lengv hunf.

3 Yav-dang it bek tamv teepf tui gee tif hoouh,

lai leekf da hhiangh huf hee,

di geef inv vooi,

ziuh hhooiv leekf neeh huf hee yam Saif-teeqf hee.

4 Yav-dang lai Saif-teeqf hoouh looif,

yuh goonv bat bek veeif hemv,

yoou neeh duanf tif ganv ya lai gakf gee leekf ngif hemv.

5 Yav-dang goonv doongv gu bek tamv teepf tui,

ziuh daiv vooi.

6 Saif-teeqf it bek lengf nga tui gee tif hoouh,

lai Yih-nov-sif.

7 Saif-teeqf lai Yih-nov-sif hoouh looif,

yuh goonv bat bek lengf sit veeif hemv,

yoou neeh duanf tif ganv ya lai gakf gee leekf ngif hemv.

8 Saif-teeqf goonv doongv gu bek it teepf ngeeih tui,

ziuh daiv vooi.

9 Yih-nov-sif gu teepf tui gee tif hoouh,

lai Gai-noomv.

10 Yih-nov-sif lai Gai-noomv hoouh looif,

yuh goonv bat bek it teepf nga veeif hemv,

yoou neeh duanf tif ganv ya lai gakf gee leekf ngif hemv.

11 Yih-nov-sif goonv doongv gu bek lengf nga tui,

ziuh daiv vooi.

12 Gai-noomv sit teepf tui gee tif hoouh,

lai Mah-leeqf-liatf.

13 Gai-noomv lai Mah-leeqf-liatf hoouh looif,

yuh goonv bat bek tee teepf veeif hemv,

yoou neeh duanf tif ganv ya lai gakf gee leekf ngif hemv.

14 Gai-noomv goonv doongv gu bek it teepf tui,

ziuh daiv vooi.

15 Mah-leeqf-liatf lokf teepf nga tui gee tif hoouh,

lai Yav-liatf.

16 Mah-leeqf-liatf lai Yav-liatf hoouh looif,

yuh goonv bat bek tamv teepf veeif hemv,

yoou neeh duanf tif ganv ya lai gakf gee leekf ngif hemv.

17 Mah-leeqf-liatf goonv doongv bat bek gu teepf nga tui,

ziuh daiv vooi.

18 Yav-liatf it bek lokf teepf ngeeih tui gee tif hoouh,

lai Yih-noqf.

19 Yav-liatf lai Yih-noqf hoouh looif,

yuh goonv bat bek veeif hemv,

yoou neeh duanf tif ganv ya lai gakf gee leekf ngif hemv.

20 Yav-liatf goonv doongv gu bek lokf teepf ngeeih tui,

ziuh daiv vooi.

21 Yih-noqf lokf teepf nga tui gee tif hoouh,

lai Mah-tuv-sa-la.

22 Yih-noqf lai Mah-tuv-sa-la hoouh looif,

hemv Siangf-dif maif goonf tamv bek veeif,

yoou neeh duanf tif ganv ya lai gakf gee leekf ngif hemv.

23 Yih-noqf goonv doongv tamv bek lokf teepf nga tui.

24 Yih-noqf hemv Siangf-dif maif goonf,

Siangf-dif zip geef yoouf yoou booiv vooi,

ziuh meenf huh geef vooi.

25 Mah-tuv-sa-la it bek bat teepf sit tui gee tif hoouh,

lai La-maif.

26 Mah-tuv-sa-la lai La-maif hoouh looif,

yuh goonv sit bek bat teepf ngeeih veeif hemv,

yoou neeh duanf tif ganv ya lai gakf gee leekf ngif hemv.

27 Mah-tuv-sa-la goonv doongv gu bek lokf teepf gu tui,

ziuh daiv vooi.

28 La-maif it bek bat teepf ngeeih tui gee tif hoouh,

lai leekf da hhiangh huf hee,

29 ziuh hhooiv leekf neeh huf hee yam Nov-yaf^a hee,

geef bov,

"Leekf da hhiangh neeh huf hee itf dingf biang hauf loh yoou da veen huk gongv hemv moof deei hee huk hho gee deekf doongv an uif,

eenv veeih Ye-hheev-huav zeeuf matf gee gua vooi."

30 La-maif lai Nov-yaf hoouh looif,

yuh goonv ngoh bek gu teepf nga veeif hemv,

yoou neeh duanf tif ganv ya lai gakf gee leekf ngif hemv.

31 La-maif goonv doongv sit bek sit teepf sit tui,

ziuh daiv vooi.

32 Nov-yaf ngoh bek tui gee tif hoouh,

lai Sanv,

Hanv hemv Yav-fov.