3 Yav-gookf sian faif lengv hunf booiv Si-eev,

ziuh tih booiv bak lengv Yih-dung gee,

div gof geef huf hee Yih-soouv,

4 Yav-gookf zuk geef loh bov,

"Meef loh hheem hemv zu hauf huf hee Yih-soouv teenf gang,

'Leekf nof meef huf hee Yav-gookf bov,

Hauf booiv ningf La-ban neeh hhootf hee ziamf siv zih,

zi doongv en teeif.

5 Hauf lai nguf,

lai luh,

lai tuangf neeh gee di hoouf hoouf,

ya lai leekf nof dunf hee,

en teeif hauf sian faif lengv hunf miaf seengv zu hauf,

hau biang zu hauf eengv.'"

6 Faif booiv gee lengv hunf leengv miaf seengv Yav-gookf bov,

"Hauf loh am heekf gof meef huf hee Yih-soouv vooi,

en teeif geef yin da hhiangh tee bek na miaf hemv meef am goonf nenh."

7 Yav-gookf hingf vooi,

ziuh meenf huh giauh mangf,

ya nyung nyang.

Geef ziuh oouv lengv hunf hemf moh geef neeh gee,

tuangf geef gee hemv nguf geef gee gangf lookf hoov geef gee feenv voon deeif vooi.

8 Geef timv tiang bov,

"Yih-soouv zeekf miaf git neeh deeif hee,

teengh longf neeh deeif hee enf hhoo yi deuf luat yoou."

9 Yav-gookf ziuh doouh goouf bov,

"Ye-hheev-huav haf!

Gungf hauh Yav-bov-la-hanf gingf baif gee Siangf-dif haf!

Baf hauh Yih-sav gingf baif gee Siangf-dif haf!

Gua na meef yam hauf bov,

'Meef hheem leengv lauh gia meef gee vooi,

leengv ningf gav lanf engv tok meef gee,

hauf itf dingf doi meef maif maif.'

10 Meef hemv hauf gang di leeuf meef ziuh huk di leeuf vooi,

meef gi tif duf dookf leekf nof hauf,

hauf titf titf meenf fui lai.

Gua na hauf nah nganv heengh hiuf hee toof too gua Ye-danf-hoov,

en teeif hauf lai lengv hunf lai nguf lai tuangf neeh gee voon deeif vooi.

11 Hhuf meef go hauf luat moof gof hauf Yih-soouv,

eenv veeih hauf mangf geef dif miaf ga hauf,

ga hauf gangf leekf gangf maih hemv goonf booiv.

12 Gua na meef eef hauf bov,

'Hauf itf dingf doi meef maif maif,

biang heeuf daif meef gee liauh zing tangv ningf hai gee teenf heen,

tuan ya meenf tuan lai inv.'"

13 Neeh goomh hee Yav-gookf yoou ninh zih gua goomh,

ziuh lokf goouh geef tiangh gee liakf feenh hee uk miaf huk lih veetf dif hong sev gof geef huf hee Yih-soouv:

14 Ziuh tih maih san yiangv voon bek huf,

hookf san yiangv ngih teepf huf,

maih mianv yiangv voon bek huf,

hookf mianv yiangv ngih teepf huf,

15 maih lookf hoov hoo noq leekf neeh gee tamv teepf huf,

zung yin leekf gee di moh.

Maih nguf tee teepf huf,

hookf nguf teepf huf,

maih luh ngih teepf huf,

hookf luh teepf huf.

16 Geef ziuh feenv goouh geef tiangh neeh gee di zuangv di hoouf vooi,

di hoouf faif di huf leekf nof guanh.

Geef zuk leekf nof gee bov,

"Meef loh sian booiv na,

di hoouf di hoouf di moh goonf booiv,

hheem gek goonf ziqf."

17 Yav-gookf ya zuk leekf nof booiv yoou zuif dau na neeh huf hee bov,

"Gof hauh Yih-soouv am heekf meef,

zeekf tooi meef bov,

'Lanf zu meef huf hee tih naf nee?

Meef dif booiv leeuf?

Goouh dau na neeh gee tih naf nee gee?'

18 Meef hheem teenf tanv bov,

'Goouh neeh gee zung tih leekf nof meef huf hee Yav-gookf gee,

tih dif hong sev lanf zu geef huf hee Yih-soouv gee,

noh,

geef toof too ya yoou dau looif hauf loh nenh.'"

19 Yav-gookf ya hongf yiangh zuk haih ngeeih huf,

haih tamv huf hemv too lai voouf goouh gee leekf nof bov,

"Meef loh am heekf Yih-soouv gee tif hoouh,

ya hheem teenf heen gang.

20 Meef loh ya itf dingf hheem bov,

'Noh,

leekf nof meef huf hee Yav-gookf yoou dau looif hauf loh nenh.

'" Eenv veeih Yav-gookf timv tiang bov,

"Hauf sian hong goouh neeh gee sev geef,

biang geef huaf hheei env,

doongv hauf hemv geef am goonf gee tif hoouh,

i sook geef dif yuanv liangf hauf."

21 Yav-gookf ziuh yam leekf nof gee voouf goouh gee booiv gua na,

geef toof too luf yoou ninh gua goomh.

22 Neeh goomh hee,

Yav-gookf da hheenf uif miaf,

yin maih geef voon huf hemv maih nook geef voon huf gangf leekf da hhiangh geef teepf it huf gua hoof Yav-bov vooi.

23 Yav-gookf yin geef loh gua booiv hoouh looif,

ya hong goouh geef gee inf inv gua booiv vooi,

24 teengh geef toof too yoou hoof neeh fiangf hee.

Lai lengv hunf huf hee miaf hemv geef zap goonf,

zi doongv veenf dif bangv.

25 Lengv hunf neeh huf hee huh toof too meenf yingf lai gua geef,

ziuh gamf geh vaf geef ziu hee loouh vooi,

maih vaf Yav-gookf fiangf hee ziuh luat hhapf vooi.

26 Lengv hunf neeh huf hee bov,

"Veenf dif bangv vooi,

biang hauf booiv lo!"

Yav-gookf bov,

"Meef meenf sev fok zee hauf,

hauf ziuh meenf biang meef booiv."

27 Lengv hunf neeh huf hee tooi geef bov,

"Meef yam gai nooiv hee?"

Geef bov,

"Hauf yam Yav-gookf hee."

28 Lengv hunf neeh huf hee bov,

"Lokf nooih meef meenf ngah yam Yav-gookf vooi,

hheem yam Yih-seef-liatf hee,

eenv veeih meef hemv Siangf-dif hemv lengv hunf zap goonf,

meef zung yingf vooi."

29 Yav-gookf tooi lengv hunf neeh huf hee bov,

"Meef hhoo yi seengv nooiv meef mee zee hauf meenf?"

Danf tih lengv hunf neeh huf hee tanv bov,

"Meef tooi nooiv hauf mee huk gai?"

Lengv hunf neeh huf hee ziuh yoou ninh hooi Yav-gookf zukf fukf.

30 Yav-gookf ziuh hhooiv lengv neeh hhootf hee yam Fiv-nuv-i-leeqf^b hee,

geef bov,

"Hauf sinv dav dekf huh Siangf-dif vooi,

danf tih hauf enf yoou yoou."

31 Yav-gookf lif hhooiv Fiv-nuv-i-leeqf gee tif hoouh,

da veenf duf ga geen vooi.

Maih vaf geef fiangf hee tiangv vooi,

geef ziuh booiv sunv gok hheqf hheqf.

32 Guf seeh lengv hunf Yih-seef-liatf gee meenf goonv genf geh vaf gee zi doongv en teeif,

eenv veeih lengv hunf neeh huf hee gamf genf geh vaf Yav-gookf gee vooi.