2 Neeh goomh hee,

Siangf-dif yoou siau zeef yianv gee gingh siangf yam geef bov,

"Yav-gookf!

Yav-gookf!"

Yav-gookf tanv bov,

"Gai gee?"

3 Siangf-dif bov,

"Hauf tih Siangf-dif,

tih meef bef lai gee Siangf-dif.

Meef longf Ai-gipf lo!

Meenf ngah mangf,

eenv veeih hauf itf dingf biang meef yoou ninh bin tingf gok gav nyoo mee.

4 Hauf dif hemv meef hongf goonf longf Ai-gipf,

ya itf dingf yin meef geen miaf,

Ye-seef itf dingf hong lauh meef."

5 Yav-gookf ziuh gif zukf lokf Bev-sif-ba booiv.

Leekf da hhiangh Yih-seef-liatf hoouf hee biang baf geef loh huf hee Yav-gookf hemv maih geef loh gee gangf leekf geef loh gee,

zung ngov geen baiv siav Fav-lauh faif miaf zip Yav-gookf neeh gee vooi.

6 Geef loh ya dai yoou lengv Gia-noomv zik gee nguf hemv tuangf gangf saiv sanh gee miaf doongv Ai-gipf.

Yav-gookf yin leekf lanv geef gee inf inv zung miaf vooi.

7 Yav-gookf yin leekf da hhiangh geef gee,

leekf lanv geef gee,

leemf leekf geef gee,

gangf leuv geef gee inf inv hongf goonf miaf doongv Ai-gipf vooi.

8 Miaf Ai-gipf gee Yih-seef-liatf lengv hunf,

nooiv gee gif yoou dauf ninh:

Leekf da hhiangh Ya-gookf neef nyoo huf hee yam Liuv-bianf hee.

9 Leekf da hhiangh Liuv-bianf gee tih Hha-noqf,

Fav-luf,

Si-si-lonv,

Zia-miv.

10 Leekf da hhiangh Si-mianf gee tih Ye-muh-lif,

Yav-mianh,

A-siav,

Yav-zin,

Sov-siav,

Soouh-lov,

Soouh-lov tih leemf leekf Gia-noomv lai gee.

11 Leekf da hhiangh Lif-vuif gee tih Geev-sunf,

Gee-siav,

Miv-la-lif.

12 Leekf da-hhiangh Yiuh-daf gee tih Eev,

Eev-nanv,

Sif-la,

Fav-leeqf-si,

Sef-la,

Eev hemv Eev-nanv daiv yoou Gia-noomv vooi.

Leekf da hhiangh Fav-leeqf-si gee tih Si-si-lonv hemv Hha-muh-leeqf.

13 Leekf da hhiangh Yih-sa-zia gee tih Tov-la,

Fuh-uav,

Ye-bov,

Seen-lonv.

14 Leekf da hhiangh Si-buf-lonv gee tih Si-liatf,

Yih-lonv,

Yav-lif.

15 Leekf baiv ninh neeh hoouf hee tih Lif-yav yoou Ba-danf-yaf-lanv hooi Yav-gookf lai gee,

ya lai leemf leekf huf hee Tiv-nav hemv.

Gangf leekf gangf lanv inf inv tamv teepf tamv na.

16 Leekf da hhiangh Zia-teev gee tih Siv-feei-yunv,

Hha-gi,

Su-niv,

Yih-si-beenh,

Yih-lif,

Yav-lov-tiv,

Yav-liatf-lif.

17 Leekf da hhiangh Yav-seef gee tih In-nav,

If-si-uav,

If-si-vuiv,

Bih-lif-yaf,

gangf gov geef loh huf hee Si-la.

Leekf da hhiangh Bih-lif-yaf gee tih Si-bev hemv Mah-zev.

18 Leekf baiv ninh neeh hoouf hee tih Si-faf hooi Yav-gookf lai gee,

gangf leekf gangf lanv inf inv teepf sok na.

Si-faf tih La-ban hong sev leemf leekf geef huf hee Lif-yav huk meeih hiang gee.

19 Maih Yav-gookf huf hee La-zev lai Ye-seef hemv Bianf-yav-mianh.

20 Ye-seef yoou Ai-gipf gee tif hoouh,

Yav-si-naf hooi geef lai Mav-nav-si hemv Yih-fav-lianv,

Yav-si-naf tih leemf leekf Bo-tiv-feei-la huf hee,

Bo-tiv-feei-la yoou heeuv An mee huk gif see.

21 Leekf da hhiangh Bianf-yav-mianh gee tih Bih-la,

Bih-zev,

Yav-siv-bev,

Gi-la,

Naiv-manf,

Yih-si,

Lov-siv,

Muh-fingv,

Huf-fingv,

Yav-leeqf.

22 Leekf baiv ninh neeh hoouf hee tih La-zev hooi Yav-gookf lai gee,

gangf leekf gangf lanv inf inv teepf ti na.

23 Leekf da hhiangh Danf huf hee tih Huf-seen.

24 Leekf da hhiangh Nav-fov-ta-lif gee tih Yav-se,

Gu-niv,

Ye-seef,

Sif-leengh.

25 Leekf baiv ninh neeh hoouf hee tih Bif-la hooi Yav-gookf lai gee,

gangf leekf gangf lanv inf inv sit na.

Bif-la tih La-ban hong sev leemf leekf geef huf hee La-zev huk meeih hiang gee.

26 Hemf moh Yav-gookf miaf Ai-gipf gee,

seef tinf fuh geef gee vooi,

gangf leekf gangf lanv inf inv lokf teepf sok na.

27 Enf lai leekf da hhiangh Ye-seef yoou Ai-gipf lai gee neeh voon huf hemv,

Yav-gookf suanf lanf yoou Ai-gipf inf inv lai sit teepf na.

28 Yav-gookf doongv Ai-gipf vooi,

ziuh yam Yiuh-daf booiv div Ye-seef,

yam Ye-seef seengv geef loh di leeuf booiv lengv Gee-san gee.

Geef loh ziuh miaf doongv lengv Gee-san gee vooi.

29 Ye-seef ziuh ngov siav maqf fuh hee booiv ninh vooi doong bef lai geef huf hee Yih-seef-liatf.

Geef loh giangf am goonf,

Ye-seef ziuh gut bef lai loouh ngai bakf hee sinf sinh.

30 Yih-seef-liatf bov Ye-seef bov,

"En teeif hauf dekf huh meef enf yoou yoou,

hauf daiv ya timv gamv vooi."

31 Ye-seef hemv engv tok geef hoouf hee gangf bef lai geef suanf gav gee lengv hunf gang bov,

"Hauf hheem geen booiv seengv Fav-lauh,

seengv geef bov,

'Engv tok hauf gee hemv hauf bef lai gee suanf gav,

zung lokf lengv Gia-noomv gee yif miaf ningf hauf neeh hhootf hee vooi.

32 Geef loh zung tih tiangh tuangf tiangh nguf div goonv gee,

en teeif geef loh voouf nguf geef loh gee tuangf geef loh gee hemv yif geef loh itf siatf too lai gee zung miaf nooih vooi.'

33 Foou Fav-lauh yam meef loh booiv gee tif hoouh,

tooi meef loh bov,

'Meef loh tih huk gai gee div goonv gee?'

34 Meef loh ziuh hheem bov,

'Leekf nof meef gee lokf hau miaf zung tih tiangh tuangf tiangh nguf div goonv gee,

hauf loh hemv gungv bef hauf loh gee zung tih huk ngipf neeh mee gee.

' Teenf heen,

meef loh ziuh hhoo yi zih yoou lengv Gee-san gee,

eenv veeih lengv hunf Ai-gipf gee zung aif lengv hunf tiangh tuangf tiangh nguf neeh gee."