Lengv-hunf Yiuh-haif gee goou Boouh-lov
24
1 Nga veenf hoouh looif,
daf gif see Yaf-nav-niv-yaf hemv ziangh lauh gi huf gangf Te-sif-lov lutf see longf miaf,
booiv ningf zungh dukf vooi goou Boouh-lov.
2 Dai Boouh-lov uk miaf vooi,
Te-sif-lov ziuh goou geef bov,
3 "Feei-lif-si daf yinv haf,
gok gav hauf-loh mee dif fingf anv teenf foong tih lokf meef,
dif gaih bianf teenf maif ya tih lokf meef nyaif heen guanh lih,
hauf-loh gi tif duf oov meef yoou da timv.
4 Hauf-loh meenf goom ngoh tif ganv meef gee liauh,
en teeif hhuf meef laif-laih hingf hauf-loh gang go gi gee.
5 Hauf-loh huh lengv-hunf neeh huf hee zing bak van teenf hee,
doongv leeuf duf tee too lai gee Yiuh-haif lengv-hunf boouf luanf,
geef tih hau Nah-saf-leekf dangh huf hee.
6 Linf Seengf-dianf geef ya dif tiang huk zeq,
hauf-loh ziuh hoof geef loouh vooia.
7 Naf huh senv fu ziangh Loh-mah gun deeif huf hee Lih-si-yaf deuf miaf,
nge-nge geep geef booiv vooi,
ya mingf lingf lengv-hunf goou geef neeh gee miaf ningf meef neeh hhootf heeb,
8 meef toof-too tooi geef,
ziuh huh hauf-loh goou geef itf siatf gee teeh tih titf gee."
9 Lengv-hunf Yiuh-haif gee ya hongf geef-loh goou Boouh-lov,
bov,
"Teeh neeh gee titf-titf tih teenf hee."
Boouh-lov hooi toof-too bianf leenf
10 Zungh dukf goouh hau biauh sif yam Boouh-lov gang go,
Boouh-lov ziuh bov,
"Hauf huh meef yoou gok gav neeh mee tim oon haih liauh veeif vooi,
hauf hhoo yi yoou dau na meef hooi toof-too bianf leenf,
hauf meenf huh giauh eengv.
11 Lokf hauf booiv Ye-luf-sa-leengh gingf baif Siangf-dif doongv en teeif,
zih lai teepf ngeeih veenf toof-too,
meef booiv saf ziuh huh vooi.
12 Meenf guan tih yoou Seengf-dianf ha tih yoou huif hangv ha tih yoou da heeuv,
geef-loh duf meenf dekf huh hauf hemv naf nee bianf leenf gua ha tih ziuv teef hemv goonf gua.
13 Geef-loh en teeif goou hauf gee teeh meenf lai zingf gif ziqf-ziqf.
14 Geef-loh bov hauf booiv sunv neeh hiuf hee tih bev gee,
danf tih hauf singv nginf hauf ziuh tih ziuf sunv neeh hiuf hee booiv gingf baif hauf zuh zung gee Siangf-dif.
Mov-si gee lutf fapf sek hemv sian zi sek tia gee itf siatf,
hauf zung siang sinf.
15 Geef-loh vook hau sunv Siangf-dif,
hauf ya vook hau sunv Siangf-dif,
doongv nooih geef dif biang lengv-hunf daiv tingf leengv,
meenf guan lengv-hunf maif ha tih lengv-hunf seeu zung dif tingf leengv.
16 Too yi hauf siangf-siangf guh lif toof-too,
doi Siangf-dif doi lengv-hunf duf hheem lai liangf timv.
17 "Hauf duf ga lif hhooiv Ye-luf-sa-leengh gi veeif vooi,
hauf nauf-nauh dai sinf gian hhuanh gee leengv miaf,
boongv tooh lengv hauf-loh gee,
ya dai goouh hianf sev Siangf-dif gee hemv.
18 Geef-loh dekf huh hauf yoou Seengf-dianf gee tif hoouh,
hauf duf ga huk leei bang neeh mee vooic,
hauf meenf lai dai lengv-hunf tingf hoouf loouh booiv,
ya meenf lai ziuv teef lengv-hunf doouh luanf,
dang siv yoou ninh nah lai lokf Yaf-si-yaf miaf gee gi huf Yiuh-haif lengv-hunf toof-too.
19 Geef-loh zeekf lai teeh dif goou hauf,
ziuh ing gai miaf ningf meef neeh hhootf hee goou.
20 Ha tih lengv-hunf neeh gee yoou gung huif saf tooi hauf gee tif hoouh,
saf uk hauf lai gai gee sook vooi,
geef-loh hhoo yi gang uk miaf.
21 Zeekf lai,
ya tih go gee hee toof-too,
ziuh tih hauf yoou da geef-loh sauv lookf-look yanh bov,
'Veenf nooih hauf yoou dau na meef-loh bif vanh saf tooi,
tih eenv veeih hauf siang sinf lengv-hunf daiv tingf leengv gee teeh.'"
22 Feei-lif-si siang dang liauv gaih sunvd neeh hiuf gee teeh,
ziuh hokf i hanh geef-loh bov,
"Foou senv fu ziangh Lih-si-yaf longf miaf,
hauf nah tim oon meef-loh neeh mee."
23 Geef ziuh mingf lingf Loh-mah gun deeif gee baiv fu ziangh huf hee foou vook Boouh-lov,
hheem doi geef maif-maif geef,
ya sev sinf sik feengf yu geef gee miaf tunf geef boongv geef.
Feei-lif-si siangf-siangf hemv Boouh-lov gang go
24 Gua gi veenf vooi,
Feei-lif-si hemv maih geef huf hee Tuv-si-la hongf goonf miaf vooi,
maih geef huf hee tih lengv-hunf Yiuh-haif gee,
Feei-lif-si ziuh yam vanh dai Boouh-lov geen miaf,
dif hingf geef gang siang sinf Gi-dukf Yev-so gee teeh.
25 Boouh-lov gang doongv gung ngif hemv toof-too hheem hhungf zif toof-too,
gangf doongv nooih simh fuanf gee teeh gee tif hoouh,
Feei-lif-si meenf huh giauh mangf,
ziuh bov,
"Meef sian longf booiv lo,
foou hauf lai huanv nah yam meef miaf."
26 Feei-lif-si ya haih meengh Boouh-lov hong sinf zee geef,
ziuh siangf-siangf yam Boouh-lov miaf hemv geef gang go.
27 Voon veeif hoouh looif,
Bo-hhiuv Feei-si-du zip vih Feei-lif-si mee vooi.
Feei-lif-si tiang lengv-hunf Yiuh-haif gee bov geef maif,
ziuh gif zukf luf Boouh-lov yoou da gamv.