2 Zing goh sian zi Yih-saif-yav,

yoou da sek geef gee tia gee teenf hee,

"Meef dekf,

hauf dif faif sih zeh hauf gee miaf gua na meef^a,

3 Lai lengv-hunf yoou da loouh yam,

'Hooi Zu zunh bif sunv,

lingv sunv geef gee teenf-teenf booiv^b.'"

4 Titf-titf tih teenf hee hooi lengv-hunf tuk leei gee Ye-hanf miaf vooi,

yoou da loouh yam lengv-hunf gee hheem huiv gaih,

ziapf siuf tuk leei,

hau biang Siangf-dif min soih geef-loh gee booiv.

5 Suanf bak lengv Yiuh-haif gee lengv-hunf,

boou guaf suanf Ye-luf-sa-leengh gee lengv-hunf,

zung miaf ningf Ye-hanf neeh hhootf hee,

singv nginf toof-too lai soih,

Ye-hanf ziuh yoou Ye-danf-hoov hooi geef-loh tuk leei vooi.

6 Ye-hanf dingv yua oouv vunf lookf hoov miaf sik gee hiuf hee,

loou mee gatf heeif nangv hiuf hee,

ziauh hemv liangv sangv tih fiah geef gee.

7 Geef suanf gang bov,

"Dif lai huf hee miaf seeif gua hauf,

danf tih neengv likf geef gee bih hauf nyoo,

hauf ziuh tih omf loou longf hooi geef geq ba haif duf meenf fui.

8 Hauf oouv namh hooi meef-loh tuk leei,

danf tih geef dif oouv Seengf-lingv hooi meef-loh tuk leei."

9 Neeh tif hoouh,

Yev-so lokf Gia-lif-lif seengh gee Nah-saf-leekf zinf miaf,

yoou Ye-danf hoov,

Ye-hanf hooi geef tuk leei vooi.

10 Yev-so giangf lokf da namh geen miaf,

ziuh dekf huh fa mee iakf vooi,

Seengf-lingv zing goop huf hee teenf hee longf miaf yoou baiv huf geef.

11 Yuh lai sauv mee lokf baiv fa miaf bov,

"Meef tih hauf dookf gee leekf da hhiangh,

meef biang hauf eengv!"

12 Seengf-lingv ziuh mah siangf soiv Yev-so booiv da loouh vooi.

13 Geef yoou ninh tee teepf veenf,

tuh Sav-danf tee.

Geef hemv goouh sangv gee yoou ningf goonf,

ya lai hian seeh^c miaf heng hoouh geef.

14 Vanh hoof Ye-hanf loouh gamv hoouh looif,

Yev-so booiv Gia-lif-lif suanf fukf im.

15 Geef bov,

"Tif ganv doongv vooi,

Siangf-dif gee gok gav dif miaf doongv vooi,

meef-loh hheem huiv gaih,

siang sinf fukf im."

16 Yev-so lokf ningf hoomf Gia-lif-lif booiv,

huh Si-meenv hemv tok geef huf hee An-deekf-liatf,

yoou da hoomf tan sai hoof bav,

eenv veeih geef-loh tih bef hoof bav gee.

17 Yev-so ziuh yam geef-loh bov,

"Meef-loh miaf hemf moh hauf,

hauf dif biang meef-loh yin lengv-hunf di hoouf hoouf miaf hemf moh hauf,

zing meef-loh hoof bav teenf hee."

18 Geef-loh ziuh mah siangf fengf sai gee longf,

di moh geef vooi.

19 Yev-so gif zukf booiv meenf lai giauh looiv,

yuh dekf huh leekf da hhiangh Si-bif-haif voon huf --- Yav-gookf hemv tok geef huf hee Ye-hanf yoou baiv luaf feengv sai.

20 Yev-so mah siangf yam geef-loh,

geef-loh ziuh teengh bef lai geef-loh huf hee Si-bif-haif hemv leekf gongv gee yoou baiv luaf,

di moh Yev-so booiv vooi.

21 Geef-loh miaf doongv heeuv Zia-baiv-nungv mee,

giangf doongv An-sikf-veenf^d,

Yev-so ziuh loouh huif hangv vooi maiv lengv-hunf.

22 Geef maiv gee hemv goonf zung hhiv guaif,

eenv veeih geef maiv geef-loh gee tif hoouh,

zing lengv-hunf lai hhinf huf hee teenf hee,

hemv Siangf-dif lutf fapf gee lauh see meenf hongf goonf.

23 Dang siv,

yoou huif hangv lai yif hangv geen huf gee lengv-hunf huf hee,

it ziu yanh uif,

bov,

24 "Meef dif huk gai gee?

Nah-saf-leekf gee Yev-so,

meef miaf miatf hauf-loh haf?

Hauf huh meef tih naf nee,

meef tih lokf Siangf-dif miaf gee Neeh-huf-hee."

25 Yev-so hiak yif hangv neeh huf hee bov,

"Meen geef,

lokf huf geef uk booiv!"

26 Yif hangv ziuh biang lengv-hunf neeh huf hee suv van,

gukf lingf loouh yamh,

ziuh lokf huf lengv-hunf neeh huf hee uk miaf vooi.

27 Hemv goonf zung meenf huh giauh hhiv guaif,

hemv goonf bov,

"Neeh gee tih teeh gai gee nooh?

Meenf huh hoouh li neeh gee gua,

geef daf lai hhinf mingf lingf yif hangv,

yif hangv gee ya hingf go geef."

28 Nooiv Yev-so mee it ziu ziuh suanf look hoou bak lengv Gia-lif-lif gee vooi.

29 Yev-so giangf lokf huif hangv uk miaf,

ziuh hemv Yav-gookf gangf Ye-hanf booiv lanf Si-meenv hemv An-deekf-liatf vooi.

30 Maih niah Si-meenv huf hee bik hang lap yoou baiv tangf nenh,

geef-loh ziuh mah siangf seengv Yev-so.

31 Yev-so ziuh booiv ningf geef,

diuf lokf moof geef loouh,

tooh geef uif,

geef ziuh meenf hang vooi,

ziuh uif miaf oouv goouh zee geef-loh goonv.

32 Da veenf dok vooi veenf dif yoop gee tif hoouh,

lai lengv-hunf yin lengv-hunf fingh gee,

hemv bif yif hangv geen huf gee inf-inv miaf div Yev-so.

33 Suanf heeuv gee lengv-hunf zung miaf vif yoou bak deenh nyoo mee.

34 Yev-so yiav haih liauh lai fingh gookf zuangv gookf yiangh gee lengv-hunf maif vooi.

Ya voouf haih liauh yif hangv lokf da huf lengv-hunf uk miaf,

geef meenf sev yif hangv gee gang go,

eenv veeih yif hangv gee took geef.

35 Haih ngeeih veenf zauf-zau,

veenf duf meenf bangv yoou,

Yev-so ziuh uif miaf,

toof-too booiv da loouh vooi doouh goouf.

36 Si-meenv hemv lengv-hunf hemv geef yoou ningf goonf neeh gee booiv div Yev-so,

37 div heekf vooi,

geef-loh ziuh hemv Yev-so gang bov,

"Hemv goonf zung div meef nenh."

38 Yev-so bov,

"Doouf-loh booiv gatf hhootf,

booiv voo loof-loo ningf neeh gee vooi,

hauf hau yoou ninh suanf Go Siangf-dif gee,

eenv veeih hauf ziuh tih veeih teeh neeh hhinh miaf gee."

39 Yev-so ziuh ngeeu lengv Gia-lif-lif gee hoouf-hoou,

loouh huif hangv geef-loh gee vooi suanf Go Siangf-dif gee,

ya voouf yif hangv.

40 Lai lengv-hunf tingf ma fungv huf hee miaf ningf Yev-so vooi,

hhuih longf hhuf Yev-so bov,

"Meef zeekf hheeng,

hauf ziuh itf dingf maif ya bang vooi."

41 Yev-so dookf hungh geef,

ziuh nyof moof gamf geef,

bov,

"Hauf hheeng,

meef bang lo!"

42 Ma fungv it ziu ziuh huat huf geef,

geef ziuh maif bang vooi.

43 Yev-so mengf-meng yam lengv-hunf neeh huf hee booiv vooi,

ya ngiamf-ngiamf zuk geef,

44 bov,

"Meef hheem zeeq tooi,

senv vanh meenf ngah seengv teeh neeh hhinh hee zee vanh.

Danf tih meef hheem booiv ningf gif see vooi,

biang geef hooi meef dekf ziu,

meef duf ga maif bang vooi,

meef ya hheem ziuf Mov-si gui dingf gee oouv goouh hianf sev Siangf-dif,

biang hemv goonf huh meef duf ga maif bang vooi^e."

45 Danf tih lengv-hunf neeh huf hee giangf uk booiv,

ziuh doongv lengv suanf teeh neeh hhinh hee,

biang hemv goonf zung huh vooi.

Biang Yev-so meenf gung lai hhai loouh heeuv fooif hemv vooi,

geef ziuh luf yoou ningf heeuv gee da loouh,

danf tih lengv-hunf gee ya hongf yiangh lokf leeuf lokf letf miaf div geef.