Voongf yif hangv Sav-danf hokf i tee Yev-so （Haif4:1-11; Hheev1:12-13）
4
1 Yev-so bif Seengf-lingv sung moonh,
lokf Ye-danf hoov leengv miaf,
Seengf-lingv ziuh yin geef booiv da loouh vooi,
tuh voongf yif hangv Sav-danf tee tee teepf veenf.
2 Yoou neeh duanf tif ganv meenf goonv gai gee,
dif doongv tee teepf veenf vooi,
geef ziuh yiak vooi.
3 Voongf yif hangv Sav-danf hemv geef gang bov,
"Meef zeekf tih Leekf-da-hhiangh Siangf-dif huf hee,
ziuh yam dinf neeh mee bin tingf goouh goonv lof!"
4 Yev-so tanv bov,
"Yoou da ging veenv tia bov,
'Lengv-hunf yoou meenf tih danf-danv hhoouf goouh goonva.'"
5 Voongf yif hangv Sav-danf yuh yin geef geen tiah hangf-hangv vooi,
it ziu nyi suanv sif gaif gee gok gav sev geef dekf,
6 hemv geef gang bov,
"Neeh itf siatf gee hhianv bingh hemv yuanv huav hauf zung dif sev zee meef,
yuanv laiv neeh gee tih gauv sev hauf gee,
hauf ooi sev naf nee ziuh sev zee naf nee.
7 Meef zeekf hhuih longf bai hauf fokf teeh hauf,
hauf ziuh sev neeh itf siatf zee meef."
8 Yev-so tanv bov,
"Yoou da ging veenv tia bov,
'Hheem bai Zu --- meef gee Siangf-dif,
danf-danv fokf teeh geef.'b"
9 Voongf yif hangv Sav-danf yuh yin geef doongv heeuv Ye-luf-sa-leengh mee vooi,
yam geef nyunv geen baiv deng Seengf-dianf vooi,
hemv geef gang bov,
"Meef zeekf tih Leekf-da-hhiangh Siangf-dif huf hee,
ziuh lokf nooih taq longf booiv lof!
10 Eenv veeih ging veenv meenf tih ya tia bov,
'Siangf-dif dif faif hian seeh geef gee boouh huf meef.
11 Geef-loh dif oouv moof miaf dov meef,
ha zinf gok meef gee gangf heekf dinf.'c"
12 Yev-so tanv geef bov,
"Ging veenv tia bov,
'Meenf hau au Zu --- meef gee Siangf-dif.'d"
13 Voongf yif hangv Sav-danf gai gee ban fap duf tee inv vooi,
ziuh ziamf siv lif hhooiv Yev-so vooi.
Yev-so hhai sih suanf Go Siangf-dif gee (Haif4:12-17;Hheev1:14-15)
14 Seengf-lingv gee neengv likf yoou baiv huf Yev-so,
geef ziuh leengv Gia-lif-lif seengh vooi,
nooiv geef mee look hoou Gia-lif-lif vooi.
15 Geef yoou leeuf mooqf huif hangv duf maiv lengv-hunf,
hemv goonf zung ngenv geef.
Lengv-hunf Nah-saf-leekf gee meenf ooi Yev-so (Haif13:53-58;Hheev6:1-6)
16 Yev-so leengv doongv geef tengv nyoo gee lengv foongv Nah-saf-leekf zinf.
Geef zing fingf tif gee An-sikf-veenfe teenf hee loouh huif hangv vooi,
neeh veenf hee,
geef nyunv uif dif hookf ging veenv.
17 Ziuh lai lengv-hunf beu sek sian zi Yih-saif-yav tia gee zee geef,
geef ziuh hheeif vooi,
div heekf hhootf hee,
geef ziuh hookf bov,
18 "Zu gee Lingv yoou baiv huf hauf,
eenv veeih geef oouv yuf sitf hauf,
yam hauf suanf fukf im geef mee zee neef ngah gee;
faif hauf booiv suan goouf,
bif hoof booiv gee tek leengv,
dav lak gee dekf huh,
bif atf zif gee lai zeef yeeuv,
19 suan goouf Siangf-dif eengv ooi lengv-hunf gee sih nianv."f
20 Yev-so ziuh menf sek gee uif,
oouv leengv lengv-hunf guanh lih huif hangv gee vooi,
ziuh ngov longf.
Lengv-hunf yoou da huif hangv neeh gee zung vook geef itf-it teenf hee.
21 Yev-so ziuh hemv geef-loh gang bov,
"Veenf nooih meef-loh hingf heekf gee neeh duanf ging veenv,
en teeif duf ga bin tingf titf vooi."
22 Hemv goonf zung ngenv geef,
tiang meenf doongv geef gang go gee teenf maif teenf en.
Geef-loh yuh bov,
"Neeh huf hee meenf tih leekf da hhiangh Ye-seef huf hee haf?"
23 Yev-so bov geef-loh,
"Meef-loh itf dingf oouv go lauh neeh gee miaf bov hauf,
'I seeng,
meef toof-too yiav toof-too lo!
' Meef-loh ya dif bov hauf,
'Hauf-loh hingf huh meef yoou Gia-baiv-nungv heeuv yiav fingh voouf yif hangv gua,
meef ya hheem yoou bak lengv meef gee huk.'"
24 Yev-so yuh bov,
"Hauf titf-titf seengv meef-loh,
hauf zing sian zi gee teenf hee,
yoou bak lengv toof-too gee meenf lai lengv-hunf ooi.
25 Hauf titf-titf seengv meef-loh,
yoou sian zi Yih-lif-yav neeh mee tif hoouh,
fa mee dangh tamv veeif sok mooqf geuf,
doongv lengv duf meenf lai goouh goonv.
Dang siv yoou Yih-seef-liatf lai haih liauh maih mai.
26 Danf tih Siangf-dif meenf faif Yih-lif-yav booiv div geef-loh naf nee,
nah faif geef booiv heeuv Si-dunf mee vooi,
booiv voo Sa-leeqf-fatf mee div maih mai huf hee,
maih mai neeh huf hee meenf tih lengv-hunf Yih-seef-liatf gee.
27 Yoou sian zi Yih-lif-sa neeh mee tif hoouh,
yoou lengv Yih-seef-liatf gee lai haih liauh lengv-hunf tingf ma fungv,
danf tih seef Sif-lif-a gok gav gee Naiv-manf vooi,
meenf lai huf huf yiav maif gua."
28 Lengv-hunf yoou huif hangv neeh gee hingf heekf go neeh gee vooi,
hhif meenf tuh lai on,
ziuh ong uif miaf oiv Yev-so uk heeuv vooi.
29 Heeuv geef-loh mee huk yoou baiv tiah.
Hemv goonf oiv Yev-so doongv ningf hhoom tiah vooi,
dif toongh geef longf booiv.
30 Danf tih Yev-so lokf da geef-loh teenf-teenf booiv vooi.
Yev-so voouf yif hangv (Hheev1:21-28)
31 Yev-so longf doongv Gia-lif-lif gee Gia-baiv-nungv heeuv,
An-sikf-veenf geef yoou ninh maiv lengv-hunf.
32 Geef gang gee go hemv goonf zung hhiv guaif,
eenv veeih go geef gee lai hhinf lai neengv likf.
33 Yoou huif hangv lai lengv-hunf huf hee yif hangv geen huf vooi,
sauv lookf-look yanh bov,
34 "Nah-saf-leekf gee Yev-so,
hauf-loh meenf ganv ngaih meef?
Meef miaf miatf hauf-loh haf?
Hauf huh meef tih naf nee,
meef tih lokf Siangf-dif miaf gee."
35 Yev-so ziuh hiak yif hangv neeh huf hee bov,
"Meenf ngah yanh vooi,
lokf huf geef uk miaf!"
Yif hangv biang lengv-hunf neeh huf hee fau det yoou dau na hemv goonf vooi,
ziuh lokf huf geef uk miaf,
danf tih geef meenf tiangv ziqf-ziqf.
36 Hemv goonf zung hhiv guaif,
geef-loh ngif leenf bov,
"Dif lai hoouh li neeh gee haf?
Geef daf lai hhinf lai neengv likf yam yif hangv uk,
yif hangv ziuh uk vooi."
37 Nooiv Yev-so mee ziuh look hoou bak lukf lengv neeh hhootf vooi.
Yev-so yiav haih liauh lai fingh gee lengv-hunf maif vooi (Haif8:14-17;Hheev1:29-34)
38 Yev-so lokf huif hangv uk miaf,
ziuh loouh lanf Si-meenv vooi.
Maih niah Si-meenv huf hee bik hang meenf huh giauh hhoonv,
lai lengv-hunf hhuf Yev-so hooi maih niah Si-meenv huf hee yiav fingh.
39 Yev-so ziuh booiv ningf maih niah Si-meenv huf hee vooi,
yam fingh gee lif hhooiv geef,
geef ziuh maif vooi.
Geef mah siangf uif miaf ziau daif geef-loh.
40 Da veenf dok gee tif hoouh,
meenf guan lengv-hunf gee lai fingh gai gee,
gav lanf gee zung yin miaf ningf Yev-so vooi.
Yev-so ziuh zav moof geen baiv huf geef-loh hooi geef-loh doouh goouf,
lengv-hunf lai fingh gee leeuf na duf maif vooi.
41 Ya lai yif hangv lokf huf lengv-hunf dunf hee uk miaf,
yanh bov,
"Meef tih Leekf-da-hhiangh Siangf-dif huf hee!"
Yev-so hiak yif hangv gee,
meenf sev geef-loh yanh vooi,
eenv veeih geef-loh huh Yev-so tih Gi-dukf.
Yev-so yoou Gia-lif-lif suanf fukf im (Hheev1:35-39)
42 Veenf giangf bangv,
Yev-so ziuh uk miaf booiv da loouh vooi.
Hemv goonf zung doongv lengv div geef,
div heekf vooi,
ziuh tiang luf geef longf miaf,
meenf sev geef booiv.
43 Danf tih Yev-so bov geef-loh,
"Hauf ya hheem booiv heeuv gakf gee vooi suanf Siangf-dif hian gukf gee fukf im,
eenv veeih hauf miaf tih huk gongv neeh gee."
44 Yev-so ziuh yoou Yiuh-haif gee gookf mooqf huif hangv suanf fukf im.